د بښونکې او لوي الله په نامه
له بده مرغه د ارزګان ولایت په خاص اروزګان ولسوالۍ کې د طالبانو ډلې اړوند سیمه ییزو ځواکونو په تیرو دوو کلونو کې په سیستماتیک ډول د دې سیمې شیعه او هزاره وګړي وژلي دي.
په وروستۍ پېښه کې د شنبې په ورځ د سنبلې په ۲۸مه ۱۴۰۲ د اروزګان ولسوالۍ د تنګي مامي جوی په سیمه کې د حاجي حسن او علي خان په نومونو دوه تنه چې پلار او زوی وو په بې رحمانه ډول شهیدان او سرونه پرې کړل. تر دې وړاندې د ۱۴۰۲ کال د سنبلې د میاشتې په ۲۱ نیټه د سید امیر علوي په نوم یو کس د جوی نو په سیمه کې په شکمن ډول په شهادت ورسید. په دې سره د دې سیمې د شهیدانو شمېر اوولسو تنو ته رسېدلی او پر دې سربېره سیمه ییزو وسله والو د طالبانو په ملاتړ د خلکو کروندې، کورونه او مالونه سوځولي، ونې یې پرې کړي او د خلکو مالونه یې لوټ کړي دي، خو تر اوسه یې کوم اقدام نه دی کړی. ددغو پيښو دمخنيوي په خاطر اقدام شوي دي .دطالبانو دډلې له خوا هيڅ ډول انساني او سري جنايتونه نه دي شوي او نه هم په دغو پيښو کې د لاس لرلو په تور څوک نيول شوي دي .
په همدې حال کې دسيمې خلکو او سيمه ييزو سرچينو تاييد کړې ده چې ددغې ډلې دوه تنه قوماندانان چې په پنجشېر او اندرابه کې دخلکو په ظلمونو بوخت دي دغه ډول تخريبي کړنې ترسره کړي دي .
د افغانستان د نجات ملي مقاومت شورا د ارزګان خاص د وروستیو شهیدانو له کورنیو سره د خواخوږۍ په څرګندولو سره په دغه سیمه کښې د طالب ډلې په ملاتړ سره ترسره شوي جنایتونه په کلکه غندي. دغه راز له نړیوالو بنسټونو په ځانګړې توګه له ملګرو ملتونو او په افغانستان کې د ملګرو ملتونو د مرستندویه پلاوي دفتر (یوناما) څخه هم غوښتنه کوي، چې د ورته پېښو د مخنیوي لپاره ژر تر ژره اقدام وکړي او د تېرو پېښو په اړه جدي څېړنې پیل کړي. او پایلې یې له افغانانو سره شریکې کړئ، شریک یې کړئ.