افغانستان نی قوتقریش اوچون ملی مجلس نینگ بیرینچی ییغیلیشی 19۔ جدی(7۔جنوری) کونی اوشبو مجلس گه اعضا بولگن 36 سیاسی و اجتماعی تشکیلات لر رهبرلری و ییتکچی لری اشتراکیده اوتکزیلدی.
ملی مجلس نینگ ییغیلیشی محمد یونس قانونی رهبرلیگیده، افغانستان نینگ سابق جمهور رییسی نینگ اورین باسری و مشهور سیاسی شخص تامانیدن تشکیل ایتیلدی. قانونی جنابلری اوشبو ییغلیشده مملکت ده گی سیاسی و انسانی وضعیت نی کینگ تحلیل قیلیب، ملی مجلس تشکیل ایتیلگن دن کیین تاپیلگن امید یاروغلیک لری حقیده گپیریب، مهاجرلر حالتی نینگ اچینرلی و آغیر ایکن لیگینی تاکیدله دی و موجود وضعیتدن چیقیش یوللری، شونینگدیک ، بو اولکن ملی چترنی یره تیش نینگ ضرورلیگی و اونینگ افغانستان ده، منطقه ده و دنیا ده قنده ی عکس ایتیلیشینی توشونتیردی. قانونی جناب لری ایسه، اوز سوزیده شونده ی دیدی: ”
عزیزمملکتیمیز نهایت آغیرانقراض حالتیده، جماعت¬چلیک تامانیدن تن آلینگن دولت نینگ یوقلیگی، کینگ ترقلگن انسان حقوق لری بوزیلیشی، یامانلشگن اقتصادی احوال و قوشنی دولت لرنینگ افغانستان مهاجرلری گه باسیمی خلقیمیزنی امیدسیزلیککه آلیب کیلدی، بو حالت ایسه عیاللر، یاشلر و جمعیت نینگ برچه قـتلم لری نینگ مملکتنی ترک ایتیشی گه سبب بولدی. بونده ی شرایط ده افغانستان خلقی نینگ سیاسی رهبرلر و فعالیت یوریتووچی شخص لردن کوتگن نرسه شونده که، اولر مملکت و خلق نی آزاد قیلیش یولیده بیرله سین لر.”
ملی مجلس افغانستان نی قـوتقریش اوچون عمل گه آشیریلگن یوقاری قتلم صفتیده تشکیل ایتیلدی و بو خلق اوچون امید یره تدی.
اوشبو مجلس، طالب لرنینگ ظلمینی توگه تیش مقصدیده، افغانستان اوچون یخشی راق کیله جک یولینی آچه دی. او دموکراتیک، عدالتلی و عاقلانه اتفاقنی تشکیل ایتیش مقصدیده، افغانستان خلقی نینگ اداره سیدن کیلیب چیققن حکومتنی قوریش استوار وظیفه لریدن بیری دیر.
شونی تاکیدلش جایزکه، بیرینچی ییغیلیش 36 سیاسی تشکیلات رهبرلری، فقرالیک جمعیتی وکیللری و باشقه اجتماعی تشکیلات لراشتراکیده اوتکزیلدی. ییغیلیشده قوییده گی مساله لر محاکمه قیلیندی و قرارلر قبول قیلیندی:
1۔مجلس نینگ تکلیف ایتیلگن توزیلمه لری، جمله دن، توققیزته کمیته و باشقه تیگیشلی بولینمه لرنی یره تیش و فعالیتینی باشلش.
2۔ ملی مجلس نینگ عیاللر ییغیلیشینی اوتکزیش لایحه سی تصدیقلندی و اولرنینگ تکلیف ایتیلگن قطعه نامه لری هم معقوللندی.
3۔ اساسنامه توزیش کمیسیونی محمد سرور دانش، سابق جمهور رییس اورین باسری باشچیلیگی ده تشکیل ایتیلدی.
4۔یاشلرنینگ فعال اشتراکینی تامینلش و اولرگه کتته رول بیریش اوچون برچه ایشچی کمیته لر رهبرلری گه اوقیگن، ملکه لی و تجربه لی یاشلر تعینلش گه قرار قیلیندی.
5۔ ییغیلیشده اشتراک ایتگن برچه رهبرلر، افغانستان مهاجرلرینی مجبوری روشده قوشنی مملکت لردن، خصوصن ایران، تورکیه و پاکستان چیقریب یوباریش نینگ فقط معما کیلتیریب چیقرمسلیگینی، بلکه افغانستان ده انسانی انقراض نی ینه ده چوقورلشتیریشینی تاکیدله دی. مهاجرلرنینگ کتته حجمده کوچیشی نی اولرنینگ اعضا مملکت لری گه قیتیشی اوچون یگانه توغری ییچیم، افغانستان ده توب اوزگریش لرنی عمل گه آشیریش و خلق نینگ انقراضدن کیلیب چیققن قانونی دولت نی تیکلش دیر.
6۔ ملی مجلس افغانستان مهاجرلریگه مهمان دوست دولتلرنینگ کورستگن کمیته لر یاردم لریینی قدرله ید و خلق ارا هم جمعیت همده منطقه مملکت لریدن مهاجرلرنی مجبوری روشده چیقریب یوباریش نی توخته تیش نی سوره یدی، اولرنی اوز وطن لری گه آنگسیز روشده قیته ریش دن سقله نیش نی طلب قیله دی.
ملی مجلس افغانستان نی قوتقریش اوچون برچه وطن داش لرنی ، سیاسی، اجتماعی، مدنی کوچ لرنی و مستقل ملی شخصیت لرنی تکلیف قیله دی، اولر حاضرگی انقراض دن چیقیش و ینگی باسقیچی نی باشلش اوچون ملی مجلس بیلن بیرگه توریشی کیره ک.
ملی بیرلیک و هم جهتلیک فقط گینه حاضرگی انقراضدن چیقیش و افغانستان تاریخیده ینگی بیر دورنی باشلش نینگ یگانه یولی بوله دی.