خوشبختانه، لاهه نینگ خلق ارا جنایت محکمه سی باشقرمه سی ییترلی و ایشانچلی تیرگاولر اساسیده جنس گه اساسلنگن زوره وانلیک و انسانیت گه قرشی جنایت لر اوچون طالب لر رهبرلری و اوشبو گروه نینگ عالی محکمه سی باشلیغی حبس گه آلینیشی اوچون عریضه بیرگن.
افغانستان نی قوتقریشی اوچون ملی مقاومت عالی کینگاشی، خلق ارا جنایت محکمه سی نینگ بو قرارینی عدالت نی تامین لش یولیده بیر قدم بولیب، افغانستان نینگ عذاب چیکه یاتگن میلیونلر خلق لری ، اینیقسه ظلم گه اوچره گن عیاللر اوچون امید منبعی دیب حسابله یدی و بو قرارنی آلقیشله یدی. بیز، اینیقسه افغانستان نینگ اذیت چیککن عیاللری و قیزلری گه تبریکلر یول له یمیز.
شبهه سیز، نه فقط طالب رهبرلری، بلکه بو گروه نینگ صفیده ییللر دوامی ده افغانستان خلقینی قتل و اولیم گه محکوم قیلگن برچه آیدیالوژی اعضالری هم حبس گه آلینیشی و عدالت لی محکمه گه تارتیلیشی کیره ک. چونکه طالب لر دنیانینگ اینگ دهشتلی تیرورچی و جنایت چی ترماقلریدن بیری بولیب، خلق ارا تیروریزم نینگ بیر قسمی دیر. بو گروه نه فقط اوتمیشده بلکه حاضرده هم انسانیت گه قرشی تورلی جنایت لر صادر ایتماقده، افغانستان ایسه حاضرده برچه خلق لر اوچون کتته قماقخانه گه ایله نیب قالگن، مینگلب یاشلر، عیاللر، خوفسیزلیک کوچ لری و ایلگری حکومت اداره لریده ایشله گن لر قماق لرده قییناققه سالینماقده و قتل ایتیلماقده.
طالب لررهبرلرینی حبس گه آلیش عریضه سی نه فقط افغانستان خلقی نینگ عدالتنی تیکلش بوییچه امیدلرینی آشیره دی، بلکه بو گروه نینگ جنایی و ظلمنی آلیب باره یاتگن لیگینی آچیق۔ آیدین کورسه ته دی و بوندن هم مهم راق، بو جهان هم جمعیتی نینگ و افغانستان خلقی اورنی گه بو گروه بیلن ایجابی مناسبت ده بوله یاتگن دولت لرنینگ اویت لی حالتینی کورسه ته دی.
افغانستان نی قوتقریش اوچون ملی مقاومت عالی کینگاشی ، بو عریضه نی کوتیب آلگنینی و اونی جهان سیاستیده گی نا عدالتلی مناسبت نی عدالتنی عمل گه آشیریش بیلگی سی گه اوخشت گنینی بیلدیره دی، اما بونی ییترلی دیب حسابلمه یدی و جهان هم جمعیتی دن افغانستان خلقنی خلق ارا تیروریزم قوللریدن آزاد قیلیش و عمومی اراده اساسیده ایرکین بیر تیزیم اورنه تیش اوچون قوللب۔ قوتلش نی طلب قیله دی. بیز شونینگدیک،طالبلر نی دنیا مقیاسیده تیرورچی گروه صفتیده تن آلیشنی، گروه نینگ باشقه جنایت لری هم اورگنیلیشینی و حاضرده طالب لر صفتیده فعالیت آلیب باره یاتگن افغانستان خلقی گه قرشی جنایت لرنی صادر ایتگن برچه شخص لر عدالت آلیده جواب گرلیککه تارتیلیشینی طلب قیله میز.