افغانستان نی قوتقریش اوچون ملی مقاومت عالی کینگاشی، توغری و انیق خبرلر ترقه تیشنی حرمت بیلن، قوللب۔ قوتله یدی و ییتکرمه لرنی ایرکین لیگی نینگ مهم اساس لریدن بیری دیب حسابله یدی. اولر جمعیت ده خبردارلیکنی آشیریش، شفافلیک نی تامین لش، مسوولیت نی کوچه یتیریش و جماعت چیلیک اشتراکینی کینگه یتیریشده مهم رول اوینه یدی. اما میش۔ میش ترقه تیش ییتکرمه لرنینگ اوزیگه ضرر ییتکزه دی و بو آدم لرنینگ آنگی نی چلغیتیشی و ییتکرلرگه بولگن عمومی ایشانچ نی پسه یتیریشی ممکن. شونینگ اوچون، میش۔ میش لرگه قرشی توریش و خبر لر ترقه تیش نینگ توغری پرنسیپ لری گه رعایه قیلیش، هر بیر کیشی، اینیقسه ییتکرمه نماینده لری اوچون مسوولیت لی دیر.
ملی مقاومت عالی کینگاشی افغانستاننی قوتقریش، سیاسی حزب لر، مدنی جماعه سی، عیاللر تشکیلاتلری و ملی شخصیت لردن عبارت بولیب، خلق ارا سیاسی و اجتماعی تشکیلاتلر، شونینگدیک باشقه دولت لربیلن ملاقات قیلیش، اوچره شوولر و مذاکره لر اوتکزیش حقوقینی اوزیگه سقلب قاله دی. کینگش، برچه افغانستان خلقی گه و ایرکین ، مستقل ییتکرمه لرگه معلوم قیله دی که ، ملی مقاومت عالی کینگاشی نینگ “آی ایس آی” تشکیلاتی بیلن اوچره شووی گه عاید ترقه تیلگن میش۔ میش لر تولیق ناتوغری و اساس سیز بولیب، بو کینگاش نینگ ثمره لی فعالیتینی ضعیفلش تیریش گه قره تیلگن هجوم لردیر. ملی مقاومت، مملکت نینگ جاری احوالی نی چوقور انگلب، طالب لرنینگ انسانیت گه قرشی جنایتلرنینگ دوام ایتیشی نینگ آلدینی آلیش و دموکراتیک تیزیم نی قیته ریش مقصدیده برچه کوچ و قربانلیک لردن قاچمه یدی.
ملی مقاومت عالی کینگاشی، افغانستان خلقی نینگ ایشانچینی حساب گه آلیب، تولیق شفاف لیک و انیق خبرلر ترقه تیش گه وعده بیره دی و برچه افغانستان خلقی دن و حرمتلی ییتکرمه لردن التماس قیله دی که، بو کینگشاش نینگ فعالیتی گه عاید اعلامیه لر، خبرلر و ینگی لیک لرنی فقط رسمی و ایشانچلی منبع لردن آلیسین لر و اساس سیز میش۔ میش لرنی ترقه تیش لیککه اورینمه سین لر.