روسیه ملتی نینگ تاریخی جایگاه سی و منطقه و افغانستان مردمی بیلن بولگن اوزاق مدتلی مناسباتی گه حرمت کورسه‌تیش حالده، افغانستاننی قوتقه‌ریشی اوچون ملی مقاومت عالی کینگاشی روسیه دولتی آرقه‌لی طالبان گروهی نینگ ترورچیلیک تشکیلاتلری روی خطیدن وقتینچه لیک چیقاریلیشی خصوصیده‌گی سونگی قراری نی شاشقین لیک و خلق ارا ستندرد لری و انسان حقوق لری قدریت لری گه قرشی بولگنینی بیلدیره دی.
اوشبو قرار نه فقط موجود واقعیت و کوپلب افغانستان اهالی سی نینگ اراده سی بیلن تینگ بولمه گن بلکم افغانستان جامعه سیده‌گی مذهبی ظلم و‌ستم نی تحکیم له‌ش، کوچ قمراوی دوام ایتیشی و انسانی قدریت لری نینگ باسقین آستیده بولیشی گه سبب بوله دی.
عین حالده، روسیه فدراتیف دولتی افغانستان حقیقی نماینده لری آرقه‌لی عادلانه تینچلیک یولینی تامین له‌ش، دواملی برقرارلیک و تاثیرلی قدم کوتاریش ده مهم نقش آلغه آلیب باریشیگه ایشانچیمیز بار.
افغانستاننی قوتقه‌ریشی اوچون ملی مقاومت عالی کینگاشی، طالبانگه قرشی یریک سیاسی جماعه سی عنوانیده برابرلیک، عدالت محور و اولکه کیله‌جگی اوچون ایریم قوملر برابر اشتراکی و اهالی اراده سی آرقه‌لی تامین ایتیلگن قانونی تیزیم تشکیل ایتیلیشیده تلاش قیلیب و برچه دنیا مملکت لریدن معقول و قانونی بیر تیزیم بیلن مناسبت قوریش لری نی سوره‌ی دی.
شبهه سیز، طالبان گروهی اینگ آز ملی و خلق ارا قانونی لیک گه ایگه ایمس و هیچ قنده‌ی بیر حرکت اوشبو گروه نینگ ترور چیلیک اصلیتی نی اوزگرتیرمه‌ی دی.
بیز روسیه دولتی دن اوشبو قراری نی قیته تیکشیریش و انسانی، تاریخی و استراتیژیک ملاحظه لرنی نظرده توتیب و وقتینچه لیک و تاشلنگن حاکم لر بیلن ایمس بلکم افغانستان اهالی سی نینگ حقیقی نماینده لری بیلن مذاکره قیلیش یوللری نی مستحکم له‌شینی طلب قیله میز.
افغانستاننی قوتقه‌ریشی اوچون ملی مقاومت عالی کینگاشی نینگ رهبرلیک شوراسی.
هجری شمسی 1404-نچی ییل حمل آیی نینگ 29-نچی سی
میلادی 2025-نچی ییل اپریل آیی نینگ 18-نچی سی