عدالت و ایرکین لیک نی یره‌تگن الله نامی بیلن!
یتیب کیلگن ثور آیی نینگ سکیزینچی سی، ایسکی شوروی اتفاقی و او نینگ مملکتده‌گی ایچکی همکارلری برابریده‌گی افغانستان اهالی سی نینگ جهادی غلبه قازانیشی نی برچه افغانستان خلقی و اینقسه اولکه مستقلیگی و ایرکین لیک یولیده شهید بولگن لر عایله اعضالریگه قوتلوغ له‌ب، جهاد عصریده‌گی افغانستان میلیون لب شهید لرینی یاد ایتیب و همده خلق ارا تروریسمی برابریده کوره‌شگن خوف سیزلیک و ملی مدافعه شهید لرینی ایسله‌ب و هر بیری سی نینگ روح لریگه درود ایته میز.
عزیز و حرمتلی اولکه داشلر!
بیز نینگ عزیز اولکه میز یریم قرن دیر انقراض، اوروش، قشاقلیک و سیاسی بی قرارلیک دن اذیت چیکماقده. شبهه سیز اوشبو دواملی بخت سیزلیک لر تشقی اولکه لر شرم سیزلیک بیلن اره له‌شیشی تاریخی ظلمت و ستم لرگه سبب بولگن.
ایسکی شوروی اتفاقی نینگ هجومی مملکت نینگ اینگ اچیق وقت لریدن بولیب اولکه میلیون له‌ب اهالیسی شهید همده یره‌لنیب و آواره بولیشیگه سبب بولگن.
افغانستان مجاهد اهالیسی اوشبو هرتمانلمه باسیم و مذکور رژیم ایچکی همکار لری برابریده تاریخی قیام باشله‌تیب شرق امپریالسیمی و او نینگ آرقه‌لی قوریلگن حکومت نی مغلوب قیلیب و بوتونلی تاریخ صحیفه سیدن یوقاتدی، بیراق پیروزلیکدن کیین تاسف لی واقعه لر رخ بیریب و تشقی اولکه لر اره له‌‌شیش لری باعث حاضرلب هم مملکتده اچینرلی وضعیت و بحران لر دوام ایتماقده.
بوگون هم باشقه تورلی تاریخی ستم و قمراوگه دوچ میز خلق ارا فتنه سی و تشقی مملکت لر حمایتی آرقه‌لی جنایت چی و تروریستی گروهی مملکت اقتداریگه ایگه بولیب و افغانستان اهالیسی نی بوتونلی اساسی حقوق لریدن محروم قیلیب و گروگه آلگن.
بیز نینگ دیاریمیز بوگون برچه یشاوچی لریگه اولکن قماقخانه ایلنگن، جامعه یریمی نی تشکیل بیرگن عیاللر برچه انسانی حقوق لری جمله دن بیلیم حقی، ایش قیلیش حقی، مدنی فعالیت قیلیش حقی و هر قنده‌ی ایرکین لیک حقوق لریدن محروم بولگن.
قوملر، مذهبلر، تیللر، گوزلیک تمثالی بولگن تورلی فرهنگ لر و خیلمه‌خیل عادت و عنعنه لر افغانستان ده برداشلی و‌تینچ تاتوی یشه‌ش نشانه سی بولگن ایدی حاضرلب ایسه بوتونلی اچینرلی وضعیت ده قرار تاپیب و نفس آلیش امکانیتی هم همه دن آلینگن.
شریعت و دیانت تطبیقی بهانه سی بیلن کوپلب ظلم و ستم لر بولماقده و هرکون اوشبو ستم لر دایره سی کیچیک بوله دی، اولدیریش، قیناق، آدم اوغیرله‌ش و تورلی قیین چیلیک لر دنیا کوزی اورنیده دوام ایتماقده.
شبهه سیز بوگون همه میز مهم بیر سناو برابریده قرار تاپگن میز. مملکت ده حاضرگی حاکم بولگن وضعیت گه کوره افعانستان اهالیسی سابق‌گی شوروی اتفاقی برابریده‌گی اولکه ایرکین لیگی و عزتی اوچون جهادی حرکت و ایرکین لیک یولیده شهید بولگن لر روحیدن الهام آلیب، خلق اراده سی نتیجه سی آرقه‌لی حکومت اورته‌گه کیلیشی، ایرکین و کامل مستقلیک تامین له‌نیشی گچه اوز کوره‌شیش لریگه دوام بیریش لری لازم.
شبهه سیز کیم شرطلر و کوره‌شیش اصول لری اوزگرگن انه شو باعث اولکه ایرکین و باتور عیاللری ظلم و ستم لرگه قرشی کوره‌شیش ده پیش قدم بولگن و حاضرگی گروه حاکمیتی اولر کوره‌شیش لری برابریده مغلوب بولیب و طالبلر ستم روایتی ناکام قالگن و اوشبو گروه هر کون اوتیشی بیلن رسوا بولماقده.
اولکه ده ایرکین لیک سیسی باسیلیب و آزاد رسانه لر رخصت ایتیلگن بیر حالده اولکه داشلریمیز دنیانی هر بیر چیکه‌سیده بیر رسانه فعالیتی نی انجام بیرماقده لر و توغری راغی بیرله‌شیب، قشاقلیک و ستم گه قرشی کوره‌شیش دوام ایتماقده.
سیاسی حزبلر، جهادی شخصیت لر و تیگیشلی نهاد لردن تشکیل تاپگن افغانستاننی قوتقه‌ریش اوچون ملی مقاومت کینگاشی، اینگ بویوک سیاسی جریان عنوانیده ایسکی شوروی اتفاقی و مذکور رژیم همکارلری برابریده‌گی مقدس جهاد پیروزلیگی نی نشانله‌ب ایریم سیاسی جریان لر و تورلی صنفلر بیلن بیرگه لیکده خلق اراده سی نتیجه سی آرقه‌لی حکومت اورته‌گه کیلیشی، ایرکین و کامل مستقلیک تامین له‌نیشی گچه کوره‌شیش دوام ایتیشی خصوصیده اولکه ایرکین عیاللری، مدنی فعاللر و انسان حقوق لری فعاللری گه وعده بیره دی.
بیز ینه بیرمرته بوتون دنیا اولکه لری و خلق ارا نهاد لریدن، حاکمیت دوامیده قیلگن جنایت لریگه فخر قیله دیگن، اونلرچه تروریستی گروهی نی افغانستانگه کیلیشیگه سبب بولگن و منطقه و دنیا اولکه لرینی خوف سیزلیک بیلن تهدید قیلگن تروریستی گروهی بیلن بیر تمانملمه کیلیشیش دن قول تارتیب و افغانستان اهالیسی قانونی و عدالت لی نظام گه ایگه بولیشی اوچون همکارلیک قیلیشی نی سوره‌ی میز.
افغانستاننی قوتقه‌ریشی اوچون ملی مقاومت عالی کینگاشی