بسم الله الرحمن الرحیم
عزیز اولکه داشلر، ایناغه لر و حرمتلی آپه سینگیلر !
افغانستاننی قوتقه‌ریشی اوچون ملی مقاومت عالی کینگاشی، یتیب کیلگن قربان هیئت بیرهمی، الله تعالی آلدیده‌گی فدایی لیک و قلب لرنی خود بین لیکلردن آزاد قیلیش سبب چیسی بولگن مبارک ایام نی بوتون دنیا مسلمان لری اینقسه فداکار و صبرلی اولکه داشلرگه چین کونگیلدن قوتلوغ و مبارک بولسین دیب تینگری تعالی مرحمتی بیلن اولکه میزدن نفرت، دهشت و قشاقلیک ریشه سی یوقالیب و باشقه هیچ بیر اولکه داشیمیز قانگه بویه لیشی، باله لر یتیم بولیشی و آواره و حرمت سیزلیگی شاهدی بولمی و یرهتگن تعالی درگاهی دن بغری کینلیک، بیر بیراو نی قبول قیلیش، عدالتلی و مستحکم تینچلیک تامین لهنیشی نی طلب قیله دی.
عزیز ایناغه لر و آپه سنگیلر !
طالبان گروهی مملکت حاکمیتی‌گه ایگه بولیشیدن تورت ییل اوتماقده، اوشبو وقت آرهلیگیده کوپ مشقت لر جمله دن قیزلر و عیاللر ایش و اجتماعی حق لریدن محروم ایتیلیشی، مکتب و بیلم یورت لر دروازه سی باغله‌نیشی و سونگی پیتلرده ییر یوزیده‌گی انسانی کرامت ایاغ آستی بولیشی شاهدی بولیب کیلماقده میز.
افغانستاننی قوتقه‌ریشی اوچون ملی مقاومت عالی کینگاشی، یریک سیاسی آدرس صفتیده قربان هئیت بیرهمی فرصتیدن فایده لهنیب قوئیدهگی موضوع لرنی بیان قیله دی :
– خلق آرا جماعه سی، اینقسه قوشنی مملکت لر و منطقه کوچلری، غدار صفتلی طالبان گروهی نی رسمیت‌گه تانیمه‌گنیدن تقدیرلهی دی؛ بیراق افغانستان اهالیسی حقلری نقض ایتیلیشی‌گه اعتبار بیرمهی طالبان گروهی کوچله‌نیشی گه سبب بولگن سیاسی و اقتصادی رابطه لری کینگه‌یشی دن افسوس بیلدیره دی .
– اوزاق و یقین مملکت لر دیپلوماتیک و خوفسیزلیک مقام لری بیر نیچه مراتبه طالبان گروهی آرقهلی، منطقه و خلق ارا تروریستی گروه لریگه جای بیریلیشی، تعلیمات اورگه‌تیش و مالی یاردم ایتیلیشی باعث افغانستان توپراغیده خوفسیزلیک تهدید لری آرتیشیدن خواطر بیلدیرگن، بیراق اوشبو گروه بیلن سیاسی جهت دن عملی همکارلیک قیلماقده .
– ملی مقاومت عالی کینگاشی، نیچه مراتبه منطقه اولکه لری و خلق ارا کوچلری طالبان گروهی بیلن یقین همکارلیک قیلیشی دن خواطر بیلدیریب، ینه بیر مرته اوشبو ریجه دوامی باعث دهشت و قشاقلیک آرتیشیدن خواطر بیلدیره دی .
– ملی مقاومت عالی کینگاشی، کمیده ۰۵ ییل دوامیده افغانستانلیک مهاجرلری میزبانی بولگن اولکه لر اینقسه ایران و پاکستان دولت لریدن؛ افغانستاندهگی موجود وضعیت نی نظرده توتیب و افغانستان ده مسئول و ایچکی و خلق ارا مشروع حکومت بولمهگنی سببلی مهاجرلرنی چیقاریش سیاست لرینی اوزگرتیریشی نی طلب قیله دی .
– ملی مقاومت عالی شوراسی، خلق ارا هم جماعتی و ایریم نهادلر اینقسه افغانستان قضیه لریگه حصه قوشگن اولکه لردن، افغانستان ده برچه قوملر حصه قوشگن حکومت شکل لهنیشی، اهالی حقوقی برابرلیگی و خلق ارا کنوانسیون لر شرطنامه لری رعایت ایتیلیشی اوچون افغانستان ایریم قوم لری آره سیده سوزلهشوی زمینه سی یرهتیلیشی خصوصیده همکارلیک سورهی دی .
– افغانستانده ییللر بوئیچه رخ بیرگن اوزگریش لرگه کوره؛ اوشبو مملکت اهالیسی هیچ قندهی تک قومی گروهی، ایوئولوژیک و قمراو حاکمیتی و سیستیماتیک و آشکارا تبعیض نی قبول قیلمه‌گن . خودی شو باعث ملی تینچلیک ایجاب قیلیشیچه؛ ایریم قومی گروه لر و سیاسی جریان لر بیرگه لیگیده قانون و سیلاو لر نتیجه سی بولگن عدالتلی و همه شمول سیاسی تیزیم شکل لهنیشی اوچون تلاش و فعالیت قیلیش لری لازم .
افغانستاننی قوتقه‌ریشی اوچون ملی مقاومت عالی کینگاشی، ایرکین لیک یولیده شهید بولگنلر روح لری و اولکه نینگ پارلاق کیله‌جگی اوچون دعالر قیلیب قربان هئیت بیرهمی برکتی بیلن افغانستان اهالیسی گه عدالتلی و مستحکم تینچلیک نی هئیت ساوغه سی بولیشی نی یرهتگن تینگری تعالی درگاهیدن طلب قیله دی .
و ما توفیقی الا بالله علیه توکلت و الیه انیب