د افغانستان د ژغورنې لپاره د ملي مقاومت عالي شورا د طالبانو لهخوا د ځوانو نجونو وروستۍ نیونې په کلکو ټکو غندي. دا نیونې د ښځو د ټولنیز، تعلیمي او کلتوري ژوند له ډګره د سیستماتیک او بېرحم ایستلو یوه منظم سیاست برخه ده، چې پرته له هر ډول حقوقي، اخلاقي یا بشري معیار څخه تر سره کېږي. دغه کړنې نه یوازې د انساني کرامت او اساسي آزادیو ښکاره نقض دی، بلکې د بشریت پر ضد د ظلم او جنایت روښانه بیلګه هم ده. طالبان د دغو اعمالو له لارې یو ځل بیا خپله واقعي څېره د یو استبدادي، ښځو ضد او له تمدنه کرکه لرونکي ځواک په توګه نړۍ ته ښکاره کړه.
هغې نجونې چې یوازینی “جرم” یې د نظر څرګندول، د تعلیم حق غوښتل، یا د ټولنې په چوپتیا کې ګډون و، نن ورځ د طالبانو په زندانونو کې بندیانې دي؛ دا هر څه د داسې نړۍ په حضور کې روان دي چې په بېپروايي او چوپتیا د دغو سرغړونو ننداره کوي، او دا ظلم په چټکۍ سره خپرېږي.
په دغه تریخ او دردناک وضعیت کې، د کانکور سراسري ازموینې د پایلو اعلان، چې هېڅ یوې نجلۍ ته د ګډون اجازه نه وه ورکړل شوې، د افغان نجونو پر آرمانونو او استعدادونو ژور زخم وارد کړی دی. د نجونو نه شتون یوازې یو شمېرنی خلا نه ده، بلکې دا د ښځو د راتلونکې له نقشې څخه د جبري حذف بشپړه انځور وړاندې کوي. یو ملت څنګه کولای شي خپل سبا ته ګام پورته کړي، کله چې نیمایي اولادونه یې په بند، چوپتیا او څنډو کې ساتل شوي وي؟
د افغانستان د ژغورنې لپاره د ملي مقاومت عالي شورا خبرداری ورکوي، چې د دا ډول ښځهضده اقداماتو دوام به افغانستان د تیارو او بېثباتۍ کندې ته ټېل وهي. د نن ورځې نجونې یو باخبره، ویښه او مقاومت کوونکې نسل دی، او سرکوب نشي کولای د پوهې رڼا، د عدالت غږ او د زده کړې حق تلپاتې چوپ کړي.
موږ له ملګرو ملتونو، اروپایي ټولنې، د اسلامي همکاریو سازمان، د بشري حقونو له بنسټونو او مسؤولو هېوادونو غوښتنه کوو، چې د نیول شوو نجونو د سمدستي خوشې کولو، د خپلسرو نیونو د پای ته رسولو، او د نجونو او ښځو پر مخ د تعلیم دروازو د بېرته پرانیستلو لپاره بېړنګه او مؤثر اقدام وکړي