بوگون 15-آگیست، ملی فاجعه‌گه ایلنگن کون سنه‌له‌دی. جمهوریت تیزیمی و خلق اراده‌سی قوله‌گن اوشبو کون، افغانستان ینه جهالت و استبداد ظلمتی‌گه باتدی. بوگون ظالم طالبان گروهی خلق و سیاسی قانونیت‌سیز، تشقی کوچلرنینگ یاردمی همده اایریم ایچکی حلقه‌لرنینگ خایینانه سکوتی بیلن پایتختیمیزنی ایگللب، مملکتنی دیموکراسی، ترقیات و انسان حقوقلریدن آغدیریب یوباردی.
افغانستاننی قوتقریش اوچون ملي قوریلتای و افغانستاننی قوتقریش اوچون ملی مقاومت عالي شوراسی ، آزادلیک و مقاومت شهیدلرینی یاد ایتر ایکن، خلق‌نینگ اوز تقدیرینی بیلگیلش حقوقینی تأکیدلب، بو کوننی فقط سیاسي حادثه صفتیده ایمس، بلکه انساني و تاریخي فاجعه صفتیده ایسله‌یدی. اونینگ عاقبتلری بوگون هم میلیونلب افغانستان یشاوچیلری، اینیقسه عیاللر، باله‌لر و دینی آزغنیلیکلر حیاتیده دوام ایتماقده.
بیز جهان همجمعتی، بیرلشگن ملتلر تشکیلاتی، قوشنی دولتلر و انسان حقلری همده عدالتنی حمایه قیلیش دعواسیده‌گی برچه توزیلمه‌لر آلدیده قوییده‌گیلرنی اعلان قیله‌میز:
۱. طالبان رژیمی افغانستان خلقی‌نینگ نماینده‌سی ایمس. بو گروه سیاسی، اخلاقی و حقوقی جهتدن قانونی ایمس. ایریم مملکتلرنینگ افغانستانده‌گی حقیقی وضعیتنی انکار ایتیشگه اورینیشلری قتّيق تشویشلی و قبول قیلیب بولمه‌یدیگن حالتدیر.
۲. ظالم طالبان گروهی اوز یاووز مقصدلرینی عملگه آشیریش اوچون دیننی واسطه قیلیب ایشله‌تیب، نه‌فقط دینی قدریت و پرینسیپلرگه خیانت قیلدی، بلکه دیندارلر جامعه‌سیتگه هم آغیر ضرر ییتکزدی. تاریخ‌ده هیچ بیر دینگه قرشی کوچ طالبان کبی زورآورلیک و متعصب تلقینلر بیلن دین و علمالر شأنیگه شونچه‌لیک قاره داغ توشیره آلمه‌گن ایدی.
۳. عیاللر حقوقلری، مدنی ایرکینلیک و آزغینلیکلر حقوقی بیزنینگ قیزیل چیزیقلریمیزدیر. طالبان‌نینگ عیاللرگه قرشی، ملتچیلیک اساسیده‌گی و زورآور سیاستلری بشری اساسلرنی ییمیرماقده، انسانیت‌گه قرشی جنایتلر صادر اېتماقده.
۴. بیز افغانستان خلقی باشچیلیگیده چین و شفّاف سیاسي جریان بۉلیشینی طلب قیله‌میز. خلق کوچلری، سیاسي ایلیته، یاشلر، عیاللر و حقیقي ملت وکیللری معنالی اشتراکی بولمسدن، افغانستان کیله‌جگی اوچون قانونی و برقرار ییچیم بولیشی ممکن ایمس.
۵. بیز یوکسک سیس بیلن اعلان قیله‌میز: ایرکینلیک، عدالت، دیموکراسی و تینگ حقوقلر اوچون کوره‌شیمیز دوام ایته‌دی. خلقیمیز هیچ قچان کوچ، جهالت و تعصب حکمرانلیگینی قبول قیلمه‌گن و قبول قیلمه‌یدی.
۶. ظالم طالبان گروهی‌نینگ رهبرلری و یوقاری مرتبه‌لی اعضالری کینگ کولملی جنایتلر، انسان حقوقلری‌نینگ آچیق بوزیلیشی و اوزباشیمچه حبسلر اوچون عدالت آلدیده جواب بیریشلری کیره‌ک. اولرنینگ برچه بیتیم، فرمان و قرارلری حقوقی و سیاسی جهتدن مطلقا یراق‌سیز بولیب، ملی و خلق‌ارا مقیاسده مجبوری کوچگه ایگه ایمس. طالبان، افغانستان خلقیگه تشقریدن مجبورن یوکلنگن لایحه‌دیر و بوگون اوشبو لایحه ییقیلیش و ییمیریلیش عرفه‌سیده توریبدی.
۷. شناسایی گروه مستبد طالبان از سوی مسکو، تکرار آشکار اشتباه تاریخی شوروی سابق در افغانستان است؛ اقدامی که نه‌تنها صلح و ثبات داخلی افغانستان را به‌شدت تهدید می‌کند، بلکه امنیت کشورهای همسایه، منطقه و جهان را نیز با خطر جدی مواجه می‌سازد، زیرا طالبان یک گروه تروریستی با سابقه طولانی خشونت و افراط‌گرایی هستند.
۷. ماسکونینگ ظالم طالبان گروهینی تن آلیشی، سابق شوراوی‌نینگ افغانستانده‌گی تاریخي خطاسینی تکرارلش دیر. بو نه‌فقط افغانستان‌نینگ ایچکی تینچلیگی و برقرارلیگینی کیسکین خوف آستیگه قویه‌دی، بلکه قوشنی دولتلر، منطقه و دنیا خوف‌سیزلیگینی هم جدّي تهدید آستیگه قویه‌دی. چونکه طالبان اوزاق تاریخگه ایگه بولگن زورآور و متعصب ترورچی گروه دیر.
۸. افغانستانده قانوني حکومت یوقلیگی سببلی، مهاجرلرنینگ قَیتیشی اوچون خوف‌سیز شرایط موجود ایمس، اینیقسه سابق خوف‌سیزلیک کوچلری و آلدینگی حکومت عملدارلری‌نینگ حیاتی جدّي خوف آستیده. گزارشلر شونی کورسه‌ته‌دی که، وطنگه قَیتگن ایریم حربيلر هدف آلینیب، اۉلدیریلگن. قوشنی دولتلردن افغانستان خلقیگه سیاسی، انسان‌پرورلیک و خوف‌سیزلیک یاردمینی کورسه‌تیش همده طالبان گروهیگه قانونی رسمی‌لیک بیریشدن وازکیچیشلری کوتیله‌دی.
اخیرده، شو حساس شرایطده، (افغانستاننی قوتقریش اوچون ملی قوریلتای) طالبانگه قرشی اینگ ییریک سیاسی کوچ صفتیده مملکتنی بو ویرانکار فاجعه چنگلیدن قوتقریش، تینچلیک، عدالت و ترقیات یۉلیگه قَیتریش اوچون قاطعیت بیلن حرکت قیلیب، برچه سیاسي کوچلر، مدنی فعاللر، مهاجرلر و وطن‌پرور یشاوچیلرنی ایچکریده و تشقریده بیرلشیشگه، هم‌جهتلیک و بیردملیکنی کوچه‌یتیریشگه، وطن ایرکینلیگی، عدالت تأمیناتی و انسانی قدر-قیمتنی قَیته تیکلشگه چارله‌یمیز.
یشه‌سین ایرکین، بیردم‌لیک و عمومی اشتراک اساسیده‌گی افغانستان، یشه‌سین افغانستان خلقی‌نینگ ملی و مدنی قرشیلیگی!