بسم الله الرحمن الرحیم
د ملي مقاومت عالي شورا د قرآن د نزول میاشت، د اخلاقي مسئولیت د ژورتیا او د اسلامي امت د ګډې ارادې د پیاوړتیا میاشت، د مبارکې روژې د رارسېدو له امله ټولو مسلمانانو، ټولو روژهدارانو او په ځانګړې توګه د افغانستان درنو او شریفو خلکو ته مبارکي او نیکې هیلې وړاندې کوي.
روژې میاشت، د خپل لوړ عبادتي او معنوي مقام تر څنګ، د وجدانونو د ویښېدو، د عدالتمحورو ارزښتونو د بیا راژوندي کېدو او د ملتونو د تاریخي مسئولیتونو د یادونې نښه ده چې د ظلم، اشغال، تبعیض او د بشري حقونو د دوامدار نقض پر وړاندې دریږي. دا میاشت د آزادۍ، خپلواکۍ او د ملتونو د کرامت د تحقق پر لور د لارې د بیا ارزونې او د سلطهطلبو او کړکېچزیاتو سیاستونو پر وړاندې د یووالي د پیاوړتیا لپاره یو مهم فرصت ګڼل کېږي.
د ملي مقاومت عالي شورا ټینګار کوي چې د مبارکې روژې میاشتې لارښوونې کولای شي د اخلاقي او سیاسي چوکاټ په توګه د کورني یووالي د پیاوړتیا، د عامه پوهاوي د لوړولو او د نړیوالو حقوقو د اصولو او د ځاندفاع د مشروع حق په چوکاټ کې د ملتونو د مشروع مقاومت د ټینګښت لپاره زمینه برابره کړي. په اوسنیو پېچلو او حساسو شرایطو کې، پر عدالت ټینګار، عادلانه سولې او د ملتونو د ارادې ته درناوی د دوامداره سیمه ایز او نړیوال ثبات لپاره یوه حتمي اړتیا ده.
دا شورا د عبادتونو او طاعتونو د قبولۍ هیله څرګندوي او امید لري چې د مبارکې روژې میاشت به د سیاسي پرانیستو پیل، د ځورېدلو ملتونو د کړاوونو کمښت او په سیمهییزو، نړیوالو او زموږ په ګران هېواد افغانستان کې د حق، عدالت او انساني کرامت د مقام د پیاوړتیا لامل وګرځي