د متحده ایالاتو د ولسمشرۍ انتخابات په بریالیتوب او په یوه ډیموکراټیک او په جذبه ډکه فضا کې ترسره شول، چې په کې ښاغلی ډونالډ ټرمپ یو ځل بیا د خپل ولس باور ترلاسه کړ او د خپل انتخاباتي سیال په پرتله یې زیاتې رایې وګټلې او د امریکا د اووه څلوېښتم ولسمشر په توګه وټاکل شو.
د افغانستان د ژغورنې لپاره د ملي مقاومت عالي شورا د امریکا دولت او ولس ته د انتخاباتو بریالي ترسره کېدل مبارکي وایي او هیله لري چې د متحده ایالاتو د نوي حکومت کار پیل به د افغانستان په وړاندې په پالیسۍ کې د اصلاحاتو لامل شي او د افغانستان د ولس د ولسواکۍ او د قانون حاکمیت د اړتیا غوښتنه به په پام کې ونیول شي.
له بده مرغه، د متحده ایالاتو له خوا له افغانستان څخه غیری پلان شوی او فاجعهبار وتل او د هېواد طالبانو ډلې ته سپارلو، چې د ناکامې دوحې موافقې پر بنسټ ترسره شو، زموږ هېواد یې د تروریزم او افراطیت په لمن کې وغورځاوه. دې کار د پخواني حکومت او د هېواد د امنیتي بنسټونو د سقوط، له ټولو جوړښتونو څخه د ښځو د حذف، پراخو بشري جنایتونو، او له افغانستان څخه د میلیونونو کسانو د بېځایه کېدو لامل شو.
تمه کېږي چې نوی حکومت هغه کسان وپېژني او حساب ورسره وکړي چې د امریکا د حکومت په نوم یې د افغانستان د اوسني بحران د رامنځته کېدو لامل شوي دي، او په راتلونکو ګامونو کې به په هغو شخصیتونو تکیه وکړي چې په افغانستان باندې غیر جانبدار، عادلانه او د افغانانو د ارادې پر بنسټ نظر لري.
لکه څرنګه چې ښاغلي ټرمپ ژمنه کړې ده، هیله کېږي چې د نړۍ په بېلابېلو هېوادونو کې اوسنۍ ویجاړوونکې جګړې او په افغانستان کې موجود بحران پای ته ورسوي او په ټوله نړۍ کې عادلانه سوله ټینګه شي.