د افغانستان د ژغورنې لپاره د ملی مقاومت شورا په وروستیو ورځو کې د هېواد په یو شمېر ولایتونو کې د تروریستي بریدونو په پایله کې د خپلو یو شمېر بې ګناه هېوادوالو په شهادت او په ځانګړې توګه د جدی د ۲۱مې نېټې د پنجشنبې د ورځې د تروریستي بریدونو د شهیدانو په خاطر غمشریکي کوي. د کابل او مزار شریف دښارو او د دشت برچي د شهیدانو له کورنیو او د افغانستان له خلکو سره خپله ژوره خواخوږي څرګندوی او دغه غیر انساني او ترهګریز عمل په کلکو ټکو غندی.
تروریزم یو له سترو ګواښونو او ننګونو څخه دی چې دا مهال زموږ هیواد افغانستان ورسره مخ دی. د تروریستي بریدونو سلسله چې زموږ د یو زیات شمیر بې ګناه هیوادوالو د شهادت او ټپي کیدو سبب کیږي د طالبانو او د هغوی په ملاتړ د تروریستي ډلو لخوا ترسره شوي اویو وحشتناک جنایت دی او د ملي امنیت د تامین په اړه د طالبانو د دروغو ادعا په ښکاره ډول په ډاګه کوي. . ټول پوهیږي چې د طالبانو ډلې ته د واک په سپارلو سره له هیواد څخه بشري حقونو ته درناوی له منځه تللی او د افغانستان له خلکو څخه د انساني ژوند حق اخیستل شوی دی. د هیواد امنیتي، اقتصادي، سیاسي، کلتوري او ټولنیز نظم له منځه تللی دې.
د افغانستان د ژغورنې لپاره د ملی مقاومت شورا یو ځل بیا له ترهګرۍ سره د مبارزې په برخه کې له ملګرو ملتونو، نړیوالې ټولنې او د سیمې له هېوادونو د همکارۍ غوښتنه کوي، څو په ګډه د افغانانو د نه ختمیدونکي درد او غم د درملنې لپاره لازم او جدي اقدامات وکړي. اود افغانستان خلک د ښه وضعیت او ډیموکراسۍ د بیرته راګرځیدو لپاره چمتو کړی .
د افغانستان د ژغورنی او ملي مقاومت شورا د وروستیو پېښو د شهیدانو له کورنیو سره خپله خواخوږي څرګندوي او دجنت رضوان د پېښې شهیدانو ته د فردوس جنت او ټپیانو ته د عاجلې او بشپړې روغتیا هیله کوي.