افغانستاننی قوتقریش ملي مجلسی، 69 حزب، تشکیلات و مدنی نهاد تشکیلاتلر قۉشیلگنیدن عبارت، دېموکراسی نینگ اساسي تمایللری، خلق‌ارا حقوق معیارلری و ملتلر نینگ اۉز تقدیرینی بېلگیلشده گی حقلری اساسیده، طالبلر نینگ ناقانوني رژیمی تامانیدن تشکیل اېتیلگن ساخته لویه جرگه نی قطعیاً رد اېتیب، اونی هر قنده ی حقوقي، اخلاقي و ملي نقطه‌ی نظردن حقیقي دېب حسابله‌مه‌یدی.
اوشبو مجلس اۉزی نینگ خلق تامانیدن قانونيلیککه اېگه اېمسلیگینی تأکیدلش بیلن بیرگه، اونی دېموکرا‌تیک تمایللر، شفّافلیک و انسان نینگ اساسي حقوقلرینی آچیق-آیدین بوزیش دېب بیله‌دی و اونینگ نتیجه‌لرینی قبول قیلینمه یدی دېب حسابله یدی. اۉزی نینگ قانونيلیگی یۉق بۉلگن رژیم نینگ قرارلری هم قانونيلیک و نفوذگه اېگه بۉلمه یدی. طالبلر رژیمی تامانیدن عملگه آشیریلگن بونده ی لویه جرگه، اهالی نینگ اساسي حقوقلری، جمله‌دن، سۉز اېرکینلیگی، ییغیلیش اېرکینلیگی و معلوماتگه اېریشیش حقوقی تیزیملی روشده باستیریله‌یاتگن شرایطده، خلق نینگ اېرکین اراده سینی عکس اېتتیریشی ممکن اېمس. بو حرکت فقط‌گینه بیر گروه نینگ ملت نینگ تقدیریگه بۉلگن اراده‌سینی مجبورلشدن باشقه نرسه اېمس.
بوندن تشقری، لویه جیرگه نینگ تشکیل اېتیلیشی، سیاسي حزب لر، مدنی نهادلر و مستقل وکیللر نینگ هېچ قنده‌ی حقیقي اشتراکینی کۉرمه ی، ملي تأثیر کوچلری نینگ اکثریتی مملکت تشقریسیده بۉلیب تورگن وقتده، نه فقط معناسیز، بلکه کولگیلی و قۉپال بۉله دی.
بونده ی کولگیلی نمایش، استبدادی رژیم سایه‌سیده اۉتکزیلگن بۉلیب، خلق اۉرته‌سیده هم، خلق‌ارا هم جمعیت تامانیدن هم اعتراف اېتیلمه یدی.
افغانستاننی قوتقریش ملي مجلسی فقط‌گینه اېرکین، عدالتلی و شفّاف سیلاولرنی تشکیل اېتیش، خلق‌ارا تشکیلاتلرنینگ ایشانچلی نظارتی آستیده اۉتکزیلیشی آرقه‌لی حاضرگی انقراضدن چیقیش نینگ یگانه یۉلی اېکن لیگیگه ایشانه دی!
سیلاولر، جمعیت نینگ برچه قتلملری نینگ حقیقي اشتراکیده، خوفسیز و اېرکین محیطده اۉتکزیلیشی کېره‌ک، شونده خلق نینگ سیلنگن وکیللری ملت نینگ تقدیرینی بېلگیلشده خلق نینگ اراده‌سینی عکس اېتتیریشی ممکن.
طالبلر رژیمی، ساخته قانونيلیک آلیش اوچون بېهوده اورینیشنی توخته‌تیب، افغانستان خلقی نینگ حقّاني طلبلریگه جواب بېریشی و کېنگ قمراولی ملي ملاقاتنی باشلشگه تیارلیگینی بیلدیریش کېره‌ک. حاضرگی انقراض نینگ حقیقي یېچیمی، ساخته نمایشلر تشکیل اېتیشده اېمس، بلکه ملي همه قتلملرنی اۉز ایچیگه آلگن بیر ملاقاتده بۉلیب، بو افغانستان نینگ کېله‌جگینی خلق اراده‌سی اساسیده بېلگیلشگه یاردم بېره‌دی.
اوشبو مجلس، برچه سیاسي، اجتماعي و مدنی نهادکوچلرینی بیرلشیشگه چقیریب، طالبلر نینگ ناقانوني رژیمی بیلن تۉلیق کوره‌شیش و افغانستانده خلق حاکمیتی اساسیده تیزیم اۉرنه تیش اوچون مقصدلی ملي حرکت یره تیش ضرورلیگیگه علیحده اورغو بېره دی. بیز خلق‌ارا هم جمعیت‌دن افغانستان خلقی نینگ قانوني طلبلرینی قۉللب-قوّتلشنی و طالبلر نینگ بو ساخته نمایش نینگ نتیجه‌لرینی تن آلمه‌سلیکنی، شونینگدېک، اېرکین و عدالتلی سیلاولرنی اۉتکزیش ضرورلیگینی تأکیدلشنی طلب قیله‌میز؛ چونکه فقط خلق نینگ آوازی و اراده‌سیدن کېلیب چیققن تیزیم ایچکی و خلق‌ارا قانونيلیککه اېگه بۉلیشی ممکن.
افغانستاننی قوتقریشی اوچون ملي مجلسی رهبریتی