افغانستاننی قوتقریش ملی مقاومت عالي کېنگشی — انساني قدریتلرگه، عدالتگه، اېرکینلیککه و مملکت فقرالری نینگ انساني شأنیگه تۉلیق صداقت بیلن — بیرلشگن ملتلر تشکیلاتی انسان حقلری کېنگشی نینگ افغانستانده‌گی انسان حقلری حالتی تۉغریسیده‌گی قطعنامه سینی ممنونیت بیلن قبول قیله‌دی و اونینگ مضمونینی تۉلیق قۉللب-قوّتلشینی بیلدیره‌دی.
کېنگش، خلق‌ارا هم‌جمعیت نینگ وجدان و پرینتسیپلرگه اساسلنگن یاندشووینی قدرله‌گن حالده، مذکور قطعنامه نی افغانستان خلقی باشیدن کېچیره‌یاتگن اچّیق و آغریقلی حقیقتنی عکس اېتتیره‌یاتگنینی تأکیدله‌یدی. بو خلق — مستبیط «طالبان» گروهی حکمرانلیگی آستیده اېنگ عادي انساني حقلردن هم محروم اېتیلگن خلق دیر.
افغانستاننی قوتقریش ملي مقاومت عالي کېنگشی، بیرلشگن ملتلر تشکیلاتی انسان حقلری کېنگشی نینگ افغانستان عیاللری و قیزلریگه نسبتاً عملگه آشیریله‌یاتگن کمسیتیش، زۉرآورلیک و تیزیملی تضییقلرنی انسان حقلری نینگ آچیقدن-آچیق بوزیلیشی صفتیده قاره‌له‌گن انیق قره شینی آلقیشله‌یدی. کېنگش، افغانستانده‌گی جنایتلرنی تېرگاو قیلیش و حجتلشتیریش اوچون مستقل خلق‌ارا میکانیزم یره‌تیش تشبثینی قۉللب-قوّتله‌یدی همده انسان حقلرینی قۉپال روشده بوزگن برچه شخصلر، خصوصاً، «طالبان» گروهی نینگ رهبرلری جوابگرلیککه تارتیلیشی ضرورلیگینی تأکیدله‌یدی.
مقاومت کېنگشی، خلق‌ارا هم جمعیت طلب قیله‌دی، اولر سیاسي و دیپلوماتیک باسیم آرقه‌لی «طالبان» گروهینی برچه تورده‌گی کمسیتیش، اساسسیز حبسگه آلیش، قییناقلر، انسانيلیککه ضد جزالر همده عیاللر و قیزلر نینگ تعلیم و محنت حقوقلریگه قۉییلگن چېکلاولرنی زودلیک بیلن بېکار قیلیشگه مجبور اېتسینلر. کېنگش، خلق‌ارا تشکیلاتلرنی انسان حقلری حمایه‌چیلری، ژورنالیستلر، صنعتکارلر و فقرالیک جمعیتی فعاللرینی حمایه قیلیش، اولرگه انسانپرورلیک و حقوقي یاردم کۉرسهتیش بۉییچه عملي و ثمره‌لی چاره‌لر کۉریشگه چقیره‌دی.
شونینگدېک، کېنگش، افغانستانده‌گی انسان حقلری بوزیلیشلرینی خلق‌ارا مقیاسده تېرگاو قیلیشده همکارلیک قیله‌یاتگن دولتلر و تشکیلاتلرگه، اینیقسه خلق‌ارا جنایي محاکمه همده عیاللرگه نسبتاً کمسیتیش نینگ برچه شکللرینی یۉقاتیش تۉغریسیده‌گی شرطنامه دایره‌سیده فعالیت یوریته‌یاتگنلرگه صمیمي منّتدارچیلیک بیلدیره‌دی. کېنگش تأکیدله‌یدی که، جزادن مطلقا آزادلیککه چېک قۉییش و عدالتنی قرار تاپتیریش — افغانستانده برقرار تینچلیک و حقیقي برقرارلیک نینگ مقّدمه‌سی حسابلنه‌دی. انسان حقوقلری نینگ تیزیملی روشده بوزیلیشیگه بې‌فرق بۉلیش اېسه، انسانیت وجدانیگه خیانت دېمکدیر.
افغانستاننی قوتقریش ملي مقاومت عالي کېنگشی، مملکت خلقی و خلق‌ارا هم‌جمعیت بیلن بیر آوازده، آزاد، عدالتلی و انسانپرور کېله‌جکنی ایسته‌یدی — شونده‌ی کېله‌جکنی-که، اونده هېچ بیر عیال، اېرکک یاکه باله جنسي، اېتنیک، دیني یاکه اعتقادي سببلر طفیلی اۉز حقوقلریدن محروم اېتیلمسین.