افغانستاننی قوتقریش اوچون ملی مقاومت عالی شوراسی چقور قیغو و خواطر بیلن ملی بیرلیک و بیرلیکته یشه یش اصل لریگه ضد بولگن طالبان ستم چی گروهی آرقه‌لی جوزجان عالی بیلیم یورتی نی رسمی لوحه سیدن اوزبیک تیلی یازوی نی اوچیریلگن لیگینی محکوم قیله دی.
اوزبیک تیلی، فارسی و پشتو تیللری یانی باشیده رسمی، ملی و تاریخی تیللردن حسابلنه دی. اوشبو تیل فرهنگی و حقوقی ییری افغانستان وطنداشلرینینگ ملی وجدانیده ییر تاپیب و افغانستان اساسی قانونیده ثبت ایتیلگن. ملی تیللری نی یوقاتیش و ضعیف لشتیریش اوچون بولگن هر قنده‌ی سعی و حرکت قومی و فرهنگی بولینیش و اولکه ملی بیرلیگیگه ضرر یتکزوچی فعالیت لردن حساب لنه‌دی.
طالبان گروهی نه فقط اوزبیک تیلی بلکه فارسی تیلی نی هم بیر قطار دولتی اداره لری و بیلیم یورت لر لوحه سیدن اوچیریب و رسمی کنفرانس و اولتیریش لرده مذکور تیللردن ایش آلینیشیگه قرشیلیک کورستماقده لر. طالبان فارسی تیلی نی یوقاتیش اوچون کوپله‌ب تلاش قیلدیلر، بو عمل، البته اولرنی ملی بیرلیگ و مدنیت و فرهنگمیز گه قرشی بولگنینی بیان ایتماقده دیر.
افغانستاننی قوتقریش اوچون ملی مقاومت عالی شوراسی اوشبو حرکت انسانی، اسلامی و ملی بیرلیک بیلن قرشی بولگنینی معلوم قیلیب، طالبان گروهی نی بو کبی انحصار و ملی بیرلیگی بیلن ضد بولگن حرکت لری باعث آگاه لنتیریب و بونده‌ی سیاست دوامی اجتماعی و سیاسی یامان عاقبتی بولگنینی معلوم قیله دی.
ملی مقاومت عالی شورا سی، فرهنگی وعلمی نهاد لری و جامعه آگاه شخصیت لریدن بونگه اوخشه‌ش مدنیت گه قرشی سعی و حرکت لری برابریده قاطع قرشی لیک کورسه‌تیب و اولکه برچه قوم و تیللریدن مدافعه قیلیش گه چقیره‌دی.
ملی تیللر، افغانستان خلقی نینگ عمومی میراثی دیر وهیچ قنده‌ی ستم گر کوچ اونی ملت خاطره سیدن اوچیره آلمه‌یدی.