طالبان گروهی، افغانستان خلقی گه نسبتن غیر اسلامی و غیر انسانی حرکت لری دوامیده، ینگیدن “محاکم لرنی جزالنتیریش اصول نامه سی” عنوانی آستیده بیر قاعده یره تیب، اونده انسانی کرامت اساسی قاعده سی و دینی و مذهبی برابرلیک نی آچیق شکلده نقض قیلگن. اوشبو گروه مذهبی آچیق تعبیض نی عملگه آشیریشی بیلن حنفی مذهب پیرولرینی مسلمان بیلیب و باشقه مذهب پیرولرنی بدعتچی دیگن لر و اسلام مبین دینی نینگ تعلیمات لری گه قرشی جماعه نی اۉرته قرن ده گی دیک ایریم شیوه لرگه اجره تماقده. طالبان گروهی بو قیلمیش لری بیلن، قُل لیک دوره لرینی ینه ده رسمیت بیریب، عیال لرنی کنیز و اونینگ تورموش اۉرتاغینی اۉنگه ایگه و بادار تانشتیرگن، شونینگدیک جماعه ده انسانیت گه قریشی و حقارت قیلووچی جزالرنی قبول قیلدیرماقده.
افغانستان نی قوتقرووچی عالی شوراسی، باشقه مذهب لر پیرولری و ایزلاوچی لری گه باسیم کیلتیریش، تبعیض، قورقو و اۉرته دن کۉتاریش حالت لرینی یره تیش، اولکه نی ایریلیق، ناقرارلیک وزوروان لیک تامان آلیب باریشی گه سبب بۉلیب و اولکه ده گی بیردم لیک و بیر ییرده یشش قاعده لرینی جدی خوف آستیده آلگن. بو کبی عمل لر نه یلغوز اسلام بویروغ لری گه قرشی؛ بلکیم انسان حق لری، ایرکینلیک عقیده لری و انسانی کرامت توب تاشینی بوتونلهی نقص قیله دی و بو عمل لر مقاومت عالی شوراسی آرقهلی ناتوغری و قبول قیلینمه یاتگن بیر عمل حسابلنه دی.
اسلام تاریخی، اسلام امتی آره سیده عقیده و ایشانچ خیلمه – خیل لیگی گه گواه بۉلگن و هیچ بیر گروه افراط چیلیک، کوچ نی قمرب آلیش لری بیلن باشقه لرنی دینی و انسانی حق لریدن محروم قیله آلمه یدی. جماعه یوقاری و قویی، قُل و ارباب لیککه اجره تیش نی نا تۉغری و انسانی کرامتی گه قرشی بیله دی و اجتماعی مستحکملنیشی و دوام تاپیشی بوتون انسان نینگ ذاتی برابرلیگینی نظرده آلیشی گه باغلیق دیر.
مقاومت عالی کینگشی شونینگدیک، طالبان گروهی نینگ بو اقدامینی عیال لر، باله لر و باشقه ایریم ضرر کۉرگن گروه لرنی بوتونلی اۉرته دن کۉتاریش اوچون تیزیملی روشده سعی و حرکت قیلیش لری بیله دی و اولرنینگ بو کبی حرکت لری نه یلغوز انسانی کرامت نی ایاغ آستی قیله دی؛ بلکیم اسلام سیماسینی دنیا اولکه لری گه یامان کۉرسه تیشی و افغانستان وضعیتینی اۉرته قرن دن کۉره هم خواطرلی قیلیشی تامان آلیب باره دیلر.
طالبان گروهی مسوولسیز بو قیلمیش لری بیلن، بیر تاماندن افغانستان خلقی نینگ تیریکچیلیک لرینی جدی خواطرگه روپه رو قیله دی و باشه تاماندن منطقه و دنیا مملکت لری اوچون بیر تهدید حسابلنه دی. بونگه قۉشیمچه قتل، خلق نینگ مال لرینی اۉغیرلش، جبر بیلن قاچقینچیلیک کۉپه ییشی و اقتصادی انقراض شدتلنیشی جماعه گه خواطرلی و چقور تاثیر قۉییب و خلق نینگ تیریکچیلیک لرینی فلج قیلگن.
افغانستان نی قوتقریش اوچون ملی مقاومت عالی کینگشی، دنیا جماعه چیلیگی اینقصه جنایت خلق ارا محکمه سی گه عضو بۉلگن اولکه لر، انسان حقلریدن مدافعه قیلیش نهادلری، اروپا اتفاقی و بیرلشکن ملت لر تشکیلاتی دن، کیچیک مسدن اوشبو جریان نی تۉخته تیب و طالبان گروهی گه باسیم کیلتیریب و اوشبو افراطی گروه بیلن هر قندی سیاسی و دیپلماتیک تعامل لری اولرنی بو کبی جنایت لرگه محکوم بۉلیشلرینی آلدینی آلیش لرینی طلب قیله دی.