بسم الله الرحمن الرحیم
رمضان آیی – عبادت و اۉزینی تربیه‌لش، الله نینگ مهمانلیگی آیی بۉلیب، بوتون مسلمان دنیاسیگه، خصوصاً، افغانستان نینگ مسلمان و دینیگه صادق خلقیگه مبارک بۉلسین. بیز الله‌دن التجا قیله‌میزکی، اوشبو مبارک آی نینگ برکه سی و مومن بنده لر نینگ دعالری آرقه‌لی، مسلمان یورتلریده‌گی برچه معمالر، اینیقسه، افغانستان فسلطین ده گی هلاکتلر یۉقالسین.
عزیز وطنداشلر!
اېندی تۉرت ییل بۉلدی کی، بیز نینگ عزیز یورتیمیز حقیقتاً هم بیر گروه تمانیدن باسیب آلینیب، اولر شریعت و اسلام دینی تعلیماتلرینی بهانه قیلیب، خلق نینگ برچه اېرکینلیکلرینی تارتیب آلیشدی و افغانستانده یسلمه‌گن، قَیته قوریلمه‌گن بیر تیزیمنی اۉرنه‌تیشدی. اوشبو گروه انسانیت نینگ برچه قدریتلریگه و اسلام نینگ انیق تعلیماتلریگه ضد روشده، افغانستان جمعیتی نینگ یرمیدن عبارت بۉلگن عیاللرنی برچه انسان حقوقلریدن، اینیقسه، تعلیم آلیش، ایشلش و جمعیت و سیاسي حیاتده قتنه شیش حقوقیدن محروم قیلدی. بو حالت، هېچ قچان اسلام عنعنه لریده هم، حاضرگی زمان دنیاسیده هم مثالگه اېگه اېمس. طالبان گروهی اۉزی نینگ اساسي قانونینی ایشلب چیقمسدن و مملکتده‌گی برچه قانونلرنی بېکار قیلیب، نامعلوم بیر شخص نینگ فرمانلری اساسیده افغانستاننی کتّه بیر قماقخانه‌گه ایلنتیردی و تۉرت ییل دوامیده خلق‌قه سودسیز، قییناقلر و قاتللیکلرنی عملگه آشیردی. افغانستان حاضرده تروریستیک گروهلر و قۉرقینچلی جنگریلر اوچون جنتگه ایلنگن و ایچکی کوچلر اۉرته سیده گی حکمرانلیک اوچون کوره ش اېسه مملکتنی ینه بیر ایچکی اوروشگه آلیب باره‌یاتگن درجه‌ده.
افسوسکی، بوتون دنیا حاضرگی حالتنی یاکه فقط کوزه تیب توریبدی یاکه انساني بۉلمه‌گن اره لشوولر و طالبان بیلن بیر تمانلمه علاقه لر آرقه لی موجود حکمرانلیکنی مستحکملشگه یاردم بېرماقده.
رمضان آیی نفسی تربیه قیلیش و ایچکی و تشقی شیطانلرگه قرشی کوره شیش آیی بۉلیب، بو آیده الله نینگ عنایتلری و برکه لری نینگ مومنلرگه ینه ده کۉپراق یاغیلیشی ممکن. ملي مقاومت عالی کېنگاشی نینگ ینه بیر بار، رمضان آیی کیریب کېلیشی مناسبتی بیلن افغانستان نینگ برچه مسلمان خلقلریگه تبریکلر بیلدیریب، اوشبو مبارک آی نینگ برکه سی بیلن خلقیمیز نینگ عذاب-عقوبتلریگه یکون یسه لسین و عزیز یورتیمیز تینچلیک، فراوانلیک، آسایشته‌لیک و خلق نینگ اراده سیگه اساسلنگن، انساني و دیني قدریتلرنی حرمت قیله دیگن تیزیمگه اېگه بۉلسین، دېب تیله‌یمیز.