بوگون عسکرلرکونی، اوشبو کون، افغانستان ده مرکب مقصدلرگه اساسله نیب، سابق خوفسیزلیک کوچلرینی تینیمسیز حبس گه آلووچی، قییناقلر و فدایی کیشی لرنینگ شهادت ایتووچی بیر گروه حکمران لیگی آستیده بولدی.
جمهوریت نینگ ییگیرمه ییللیک فعالیتی دوامیده مملکتیمیزنینگ ملی حاکمیتی و حدودی یخلیتینی جان بیلن حمایه قیلگن مملکتیمیز مدافعه و خوف سیزلیک کوچ لری عسکرلری ایسه هر قنده ی منتدارچیلیک و تحسین لایق دیر. اولر وطن و مملکت ملی حاکمیتی نی حمایه قیلیش اوچون بار کوچ لرینی ایه مه دیلر. افسوس که حکومت باشیده رهبرلیک درجه سی ده تورگن بیرقطار انسان لر، مملکت نینگ طالب لر گه تسلیم بیریلیشی و تیزیم نینگ قوله نیشی بیلن بیرگه، یانیده بیشینچی اوستون بولیب کیلگن عامللر هم بار ایدی. عینن، باشقه ایچگی و تشقی سبب لرهم معلوم احوال دیر. حقیقتده ، اوشبو خوفسیزلیک کوچلری شهیدلری قان لری گه قرشی آچیق و معلوم خیانت قیلیندی.
ملی قرشی مقاومت کینگاشی، مملکت نینگ سابق خوفسیزلیک کوچ لری نینگ فداییلیک و جسارتینی آلقیش لش بیلن بو حربی کوچ لری شهیدلری نینگ خاطره سینی و نام لرینی حرمت قیله دی و همده شهیدلرنینگ عایله لری گه همدردلیک لرینی بیلدیریب، عسکرنینگ برچه قیینچیلیک لری، مشقت لری و درد لرینی چین کونگیل بیلن سیزه دی. و تورلی سبب لرگه کوره طالب لر حکمران لیگی آستیده تورلی مقصد لر بیلن یشب، عادی انسان حقوق لریدن محروم بولگن عسکرلرهم، مهاجر و وطن سیزلیک بیلن عذاب و مشقت لرگه کون کیچیره یاتگن عسکرلرنینگ احوالینی توشونیه دی. البته که بو حالت هیچ زمان سقلنیب قالمه یدی و اوزگریشی حتمی. امید قیله میز که، ینگی افغانستان نینگ یاروغ کیله جگیده مملکت عسکرلری نینگ بارلیگی و فدایی لیگی بیلن ملی حاکمیت، قانونی روشده تیکلن گنی و مملکت حدودی یخلیت لیگی حمایه لنگنی گه شاهد بوله میز.