برچه میز الله دن میز و الله تعالی تامان گه قیته میز؛
افغانستاننی قوتقریش ملی مقاومت کینگاشی هیات باشلیغ لری ایسه، پنجشیر ولایتی، جهاد و مقاومتی نینگ اساسچی لریدن بیری، همده مملکت نینگ سابق لوی سارنوالی رحمتلی عبدالمحمود دقیق نینگ عالمدن اوتگنینی قیغو بیلن، رحمتلی نینگ عایله-اعضالری، پنجشیر خلقی و برچه مجاهدلرگه تسلیت عرض قیله دی.
اساسن، رحمتلی عبدالمحمود دقیق ایسه پنجشیر ولایتی، جهاد و مقاومتینی اساس قوییش اوچون مهم رول اوینه گنی یانیده، مملکت نینگ ملی قهرمانی شهید احمد شاه مسعود نینگ یقین سنگرداش لریدن بیری بولیب، برچه مجاهد لر آره سیده خاص محبوبیت گه ایگه بولگن کیشی ایدی. همده، تقوالی مجاهدلیگی یانیده، توشونگن عارف و تدبیرلی دولت اربابی بولیب، افغانستان لوی سارنوالی بولگنی پیتیده، صادقانه قیلگن خدمت لری تقدیرگه سزاوار دیر.
ینه بیر بار، قوتقریش کینگاشی نینگ هیات باشلیغ لری او کیشی نینگ وفاتی اوچون تسلیت بیلدیریب، رحمتلی نینگ یاتگن اورنی جنتده بولیشی نی تینگری تعالی درگاهیدن ایسته یدی.