افغانستاننی قوققریش ملی مقاومت کینگاشی ایسه، اخیرگی کون لرده، ترورستیک حمله لر سببلی مملکتیمیز ولایت لری اینیقسه ، پنچ شنبه کونی، جدی آیی نینگ 21 کونی، کابل ولایتی نینگ دشتی برچی منطقه سی، همده مزارشریف شهریده یوزبیرگن دهشتلی واقعه لرده بیر قطار بی گناه وطنداشلریمیز شهید و یره لنگنی اوچون قیغو و الم افغانستان خلقی اینیقسه اوشبو شهید لر عایله لری گه تسلیت ایتیب، بو نا انسانی و وحشیانه ترورستیک عملنی قتیق قاره له یدی.
مملکتیمیز افغانستان حاضرده دوچ کیله یاتگن اینگ کته تهدید و معمالردن بیری تروریزم دیر. شو اوچون، کوپ سانلی بی گانه وطنداشلریمیزنینگ شهید بولیشی گه و یره دار بولیشی گه سبب بوله یاتگن ترورستیک زنجیره وی حمله لر دیر. اوشبو جنایت لر ایسه، طالبلر و اولر تامانیدن قوللب۔ قوتلنه یاتگن ترورستیک گروه لر تامانیدن صادر ایتیلگن دهشتکلی واقعه بولیب، طالب لر ملی خوفسیزلیک نی تامین لش حقیده گی یالغان دعوالری ماهیتینی معلوم کورسه تیب تورماقده. همده حاکمیتنی طالب لر گروهی گه تاپشیریش بیلن مملکتده انسان حق لریگه حرمت یوقالگنینی و افغانستان خلقی دن انسانی یشش حقوقی تارتیب آلینگنینی برچه بیله دی. منه شو وحشیانه حرکت لر سببلی، مملکت نینگ خوفسیزلیگی، اقتصادی، سیاسی، مدنی و اجتماعی توزومی بوزیلیب بارماقده.
بنابران، افغانستاننی قوتقریش ملی مقاومت کینگاشی، ینه بیر بار افغانستان خلقی نینگ چیکسیز درد و المی گه قیغو داش بولیب، اوشبو حقده ضرور و جدی چاره تدبیرلرنی بیرلیکده کوریش مقصدیده تروریزم گه قرشی کوره ش ده بیرلشگن ملت لر تشکیلاتی، خلق ارا هم جمعیت و منطقه دولت لریدن همکارلیک قیلیشینی سوره یدی. مملکتده، دموکراسی تیکله نیشی و افغانستان خلقی نینگ احوالی یخشی بولیشینی ایسته دیدی.
اداغده، افغانستاننی قوتقریش ملی مقاومت کینگاشی، اخیرگی قانلی حادثه ده شهید بولگن لرنینگ عایله لری گه قیغو بیلن تسلیت عرض قیلییب، شهید لرگه جنت الفردوس دن اورین تیله یدی، همده اوشبو ترورستیک واقعه ده یره لنگن لرگه ،الله درگاهیدن تیزلیکده تولیق شفا آرزو قیله دی.