افغانستاننی قوتقریش ملی مقاومت کینگاشی هیات باشلیغ لری ایسه، ملی بیرلیک شهیدی استاد عبدالعلی مزاری شهادتی نینگ 29۔ییلیگی گه کونگیل بیلن حرمت قایل بولیب، اوشبو کون مناسبتی اوچون افغانستان خلقی، اینیقسه اوشبو شهید نینگ ایزداشلری و یقین لری گه همدرد لیک بیلدیره دی.
ملی بیرلیک شهیدی، استاد عبدالعلی مزاری نینگ شهادتی نینگ 29 ییللیگی مناسبتی نی نشانماقچی میز، منه شونگه ییل اوتیشی گه قدر هم مملکتیمیز، افغانستان تینچلنمه دی، خلقیمیز ایسه، یخشی تینچ لیککه حیات کیچیره آلمه گن. حاضرگی کونده، یورتیمیز خلقی کون اوتشی بیلن طالب لر نینگ ظالمانه حکمرانلیگی آستیده حیات کیچیرماقده لر، چونکه اوشبو تروریستیک گروه ایسه، فرهنگ و مدنیت، خلق اودوم لری و عنعنه لری ، خلق اراده لری، سیاسی آقیم لر و خلق اساسی خلق لری گه قرشی بولیب، اوز باشیمچه لیک بیلن مملکت فقرا لری اینیقسه خاتین۔ قیزلرنی اوشلب، نهایت حرمت سیزلیک بیلن قییناققه آلیب حتی اولدیرماقده لر. طالب لرنینگ اوشبو حرکت لری خلق اراده سی گه قرشی محصوصن اسلامی دینی نینگ دستورلری گه تولیق قرشی دیر.
کوپچلیک لرگه حرمت قایل بولیش، قوم لر و ایللرنینگ نشان لری، سمبول لریگه حرمت قیلیش، انسانی قدریت لرنی اورنه تیش، خلقنی روحیه لنتیریش و بیرلیک و دم لیک فضاسینی خلق اراسیگه یره تیش حکومتدارلیک نینگ اساسی بورچی نی تشکیل بیره دی. افسوس که، اوشبو ظالم و رحم سیز گروه ایسه، برچه انسانی قدریت لرنی ایاق آستی قیلیب کیلماقده، افغانستان جغرافیاسیده گی خلق لرنینگ بیرلیک و بیردم لیککه حیات کیچیریب کیله یاتگ حیات لری کون اوتیشی بیلن بوزیب، نا انتفاق لیک تامان گه آلیب بارماقده دیر. اوشبو مملکتده حاکم بولیب تورگن طالب لر گروهی ایسه اسلام دینی گه قرشی باشقه مذهب لرنینگ ایزداشلرینی نی اولیشی و تهدیدله نیشی بویروق بیریب، بیگانه کوز بیلن قره ب، فقط قدرت نی بیر گروه قمراوی گه تعلقلی قیلیب، استبدادلی شکلده عمللر قیلب کیلماقده لر.
شو اوچون، بوگوندن 30 ییل آلدین شهید استاد عبدالعلی مزاری، مملکت سیاسی و تاریخی وضعیتینی دقت بیلن اورگه نیب، مملکت ده بیرلیک کیلتیریش، اجتماعی عدالت برقراربولیش، ملی بیرلیک تیکله نیشی اوچون سیاسی نظام اوزگرتیریلیشی حقیده تاکیدلب، مرکزلشمه گن سیاسی تیزییزم نی مملکت توزه لیشی اوچون تکلیف قیلگن ایدی. اونینگ فکریچه مرکزلشمه تیزیم ایجاد بولیشی بیلن مملکت نینگ تورلی قوم لری، مذهب لری، تیللری، محلی مدنیت لری و اودوم لری گه ایگه بولیب یشب، حیات کیچیریب اساسی حق لری گه ایگه بوله دی لر دیگن ایدی
عینن، افغانستاننی قوتقریش ملی مقاومت کینگاشی هم افغانستان بوگونگی سیاسی و اجتماغی انقراض دن چیقیش اوچون، یوز بیریب کیله یاتگن حقیقت لر گه ته یه نیب، تجربه گه استوار بولگن عینی واقعیت گه کوره، اوشبو مملکت ده، قوم لرنی اورته دن ایلتیش، انحصارطلب لیک، ظلم واستبداد، ایرمه چیلیک بیلن حکومت قیلیب بولمه یدی. فقط افغانتسان ده حکومت قیلیش اوچون، بیرلیک۔ بیردم لیک روحیه سینی یره تیب، خلق اراده سی گه موافق سوزلشوو آلیب باریش اینگ معقول یوللردن بیری دیب تاکیدله یدی.
منه شو اساسده، افغانستاننی قوتقریش ملی مقاومت کینگاشی بیرلشگن ملت لر تشکیلاتی نینگ دواملی فعالیت لریدن حمایت قیلیب، طالب لر گروهی نینگ ظالمانه حرکتلری، بیر قوم و بیر جندر و بیر افراطی فکر آستیده قیلیب کیله یاتگن استبدادی فعالیت لرینی جدی نظارت آستی گه آلیب، خلق اراده سی گه موافق و دموکراتیک سیلاو آرقه لی مملکت ده دولت ایجاد بولیشینی ایسته یدی.
ینه هم پیام سونگگی ده، ملی بیرلیک شهیدی استاد عبدالعلی مزاری نینگ یاد و خاطره لرینی ایسله یدی و روح لری شاد بولیشینی الله درگاهیدن تمنا قیلیب، اوشبو شهید نینگ خلق محور یوللرینی دوام بیریش گه حرکت قیله دی.