افغانستان نی قوتقریش ملی مقاومت کینگاشی کیریب کیله یاتگن ینگی ییل بیلن صمیمی تبریکله ب، ینگی ییلده بوتون دنیاده، اینیقسه افغانستانده تیچ لیک و آسایشته لیککه ایریشیش اوچون عملی و مهم قدم لر قوییلیشینی تیله یدی. همده، انسانیت و بشریت رنج و عذاب لری کمه یتیریلشی اوچون جهانی سعی۔ حرکتلر عمل گه آشیریلیشینی آرزو ایته دی.
ینگی ییل باشله نیشی بیلن ایل۔ اولوس اوز امید لری و حرکت لرینی حسابلب، حیات نینگ بیر دورینی اوتکزه دیلر و امید و ایستک لر بیلن حیات نینگ ینگی باسقیچینی باشله یدیلر. شو اوچون ملی مقاومت کینگاشی مملکت و منطقه ده گی وضعیتنی چوقور انگلب توشونگن حالده ، ینگی حساب۔ کتاب لر و ریجه لر بیلن افغانستان خلقی نینگ اوزارا راضی لیک، اجتماعی عدالت و اوزارا مناسبت لرگه اساسلنگن تیزیم یره تیش گه قره تیلگن آرزو۔ امیدلرینی رویابگه چیقریشگه اینتیله دی. عینن، افغانستان نینگ برچه خلقی ایسته گیگه موافق بوله دیگن ایجابی ایشلر اوچون حرکت قیله دی.
ملی مقاومت کینگاشی افغانستان نی قوتقریش اوچون الله تعالی دن برچه دنیاده، اینیقسه، مملکتیمیزده صادربوله یاتگن ثباتسیزلیک و عدالت سیزلیک، همده اقتصادی، خوفسیزلیک، سیاسی و اجتماعی انقراض لرنی برطرف ایتیلیشینی، بوتون دنیاده پراوانلیک،بخت۔ سعادت، تینچ لیک و آسایشته لیکنی چین کونگیل بیلن تیله یدی. مخصوصن اوشبو ینگی ییلده منه شو تیلک لرنی یورتیمیز گه ایستش بیلن، افغانستان بوتون خلق کونگلی گه موافق قانونی حکومت بولیب تیکله نیشی آرزو قیله دی.