د لوی او مهربان خدای په عظیم نامه
د افغانستان د ژغورنی لپاره د ملي مقاومت شورا د ۲۸ مې کلیزی په مناسیبت د ملي یووالي د شهید استاد عبدالعلي مزاري او د هغه د وفادارو ملګرو د شهادت د کلیزې په مناسبت د افغانستان ګرانو خلکو ته خپل تسلیت او خواخوږي څرګندوو.
سږ کال موږ د استاد مزاري د شهادت کلیزه په داسی حال کی لمانځو، چې د استاد مزاري قاتلان د یوې توطیې له لارې په افغانستان کې واک تر لاسه کړ او زموږ ګران هېواد په خورا بد او سخت حالت کې قرار لری .د طالبانو تر کنټرول لاندې د افغانستان حالات د هرې ورځې په تیریدو سره د خرابیدو په حال کښې دي. تاوتریخوالی، ناامني، بې روزګاري، فقر، کمزوری اقتصاد، د عامه چارو انحلال، قومي، نژادي، مذهبي او جنسیتي تبعیض په لوړه کچه افغانستان او خلک ځوروي. اوسني وضعیت د هیواد د راتلونکي په اړه د خلکو اندیښنه او نا امیدي تر ټولو لوړې کچې ته رسولې ده. نن په افغانستان کې د طالبانو د واکمنۍ پر مهال خلک د تابعیت له اساسي حقونو، د هېواد د برخلیک په ټاکلو او سیاسي مدیریت کې د ګډون له حق، د فکر او فکری ازادۍ څخه بې برخې دي.
د استاد مزاري ژوند د افغان ولس د دردناکه تاریخ یوه بیلګه ده. استاد مزاري ټول عمر د بهرنیانو د یرغل پر وړاندې د خپل هېواد د خپلواکۍ لپاره مبارزه وکړه او د شوروي پر وړاندې د جهاد له بریا وروسته د ټولنیز عدالت، ملي یووالي او د خپلو خلکو د سیاسي او بشري حقونو د تامین لپاره ودرېد. استاد مزاري په خپل لوړ اسلامي فکر سره وویل: عدالت د تاریخ د ټولو پیغمبرانو ارمان و او د پیغمبرانو د رالیږلو فلسفه د ټولنیز عدالت تامینول دي. استاد مزاري د افغانستان د خلکو لپاره عزت او انساني کرامت غوښتل، تر څو د قومي او مذهبي هویت له امله هیڅ قوم او ولس ته سپکاوی او توهین ونه شي. استاد مزاري د اساسي قانون پر بنسټ د خلکو د رایو او د واکونو د وېش پر بنسټ د مشروع نظام د رامنځته کېدو غوښتونکی ؤه.
استاد مزاري ښځې د ټولنې نیمه برخه ګڼلې او په دې باور وه چې ښځې باید د نارینه وو په څېر ټول مدني حقوق ولري.
د ملي مقاومت شورا د استاد مزاري فکر ته په درناوي سره په هېواد کې د مېشتو ټولو قومونو ترمنځ د باور او برابرۍ پر رامنځته کولو باندې په ټينګار سره په دې باور دی چې يوازې د قومونو د حقوقو په تامينولو او د اجتماعي ګټو په شاوخوا کې د ارزښتونو د احيا کولو له لارې . د سیاسي او اقتصادي برخلیک په ټاکلو کې د ټولو ګډون.دا د یو واحد سیاسي حکومت په چوکاټ کې ممکنه ده چې هرڅوک خپل ځان وګوري.
د افغانستان د ژغورنی لپاره د ملی مقاومت شورا یو ځل بیا د ملي یووالي د شهید استاد عبدالعلي مزاري د شهادت د تلین په مناسبت ټولو هغو کسانو ته چې د عدالت غوښتونکي دي خپله خواشیني څرګندوي او د ملي یووالي د شهید یاد ته د درناوي او د تسلیت هیله کوي. د افغانستان خلکو ته امنیت، عدالت، برابري او سوکالي او د هوساینې غوښتنه کوي.
ومن الله التوفیق