له بده مرغه د ملګرو ملتونو د امنیت شورا په وروستۍ غونډه کې یو ځل بیا د افغانستان په چارو کې د یوه ګاونډي د استازي د ښکاره لاسوهنې او بې شرمانه څرګندونو شاهدان یو. په دې غونډه کې د پاکستان د حکومت استازي غوښتنه وکړه چې په ملګرو ملتونو کې د افغانستان څوکۍ دې يوې داسې ډلې ته وسپارل شي چې لاسونه يې زموږ د لسګونو زرو هېوادوالو په وينو رنګ شوي او هيڅ ملي او نړيوال مشروعيت نه لري. له نېکه مرغه په دې غونډه کې په ملګرو ملتونو کې د افغانستان دایمي استازي ښاغلي نصیر احمد فایق په پوره میړانه او مدلل زړورتیا سره د هغه پر وړاندې غبرګون وښود او د افغانستان د خلکو په استازیتوب یې د هېواد له کرامت او خپلواکۍ څخه دفاع وکړه.
د افغانستان د ژغورنې لپاره د مقاومت ملي شورا د ښاغلي فایق او نورو دیپلوماتانو له دریځ څخه چې د افغانستان د مشروعیت په دفاع کې ولاړ دي په کلکه ملاتړ کوي او اعلانوي چې نور هیوادونه د افغانستان په چارو کې د لاسوهنې او د هر ډول لابي حق نه لري. نور هېوادونه د دې ډلې په پلوي دي، طالبان غندي او د افغانستان په کورنیو چارو کې ښکاره لاسوهنه بولي.
یو ځل بیا له ملګرو ملتونو او نړیوالې ټولنې غوښتنه کوو چې د افغانستان له خلکو سره د نړیوالو ارزښتونو او د ملګرو ملتونو منشور ته د ژمن مشروع نظام په رامنځته کولو کې مرسته وکړي او زموږ د هېواد په چارو کې د نورو هېوادونو د ښکاره لاسوهنې مخه ونیسي.