د ايټاليا په اوبو کې د مهاجرينو د کښتۍ د ډوبيدو ترخه او غمجنه پيښه چې د ماشومانو په ګډون زموږ د يو شمير ګرانو هيوادوالو د مړينې او ټپي کيدو سبب شوه د افغانستان د ژغورنې لپاره د ملي مقاومت د شورا غړي خواشيني کړي دي. د ملي مقاومت شورا د خپلې ژورې خواخوږۍ او ډاډګيرنې مراتب د دغې پيښې د قربانيانو او ټپيانو ته د فردوس جنت او ټپيانو ته د تسليت مراتب وړاندې کوي او د لوى خداى ج له دربار څخه ورته د صبر او زغم غوښتنه کوي.
د ترلاسه شوو معلوماتو له مخې په دې وروستيو ورځو کې د مديترانې په سمندرګي کې د ايټاليا د کروتون ښار په څنډه کې د مهاجرينو يوه کښتۍ له يوې لوی ډبرې سره د ټکر له امله زموږ دوه ديرش تنه ګران هيوادوال مړه او ګڼ شمير نور ټپيان شول.
په افغانستان کې سیاسي، اقتصادي او ټولنیز وضعیت د طالبانو د متحجر او نامشروع ډلې په واکمنۍ کې بدلون موندلی او د هرې ورځې په تیریدو سره نورهم کړکیچن کیږي. د طالبانو ډلې د واک په انحصارولو او له دولتي بنسټونو د زورواکۍ څخه په استفادې د خلکو او قومي، مذهبي ډلو او ښځو د ځپلو لپاره د افغانستان خلک په بې وزلۍ، سختیو او بشري ناورین کې اچولي دي. د افغانستان ناوړه وضعیت زموږ ګران هیوادوال د ښه او انساني ژوند په هیله لیری او نږدې هیوادونو ته اړ کړي دی، او په عین حال کې دا هم څرګنده ده چې له افغانستان څخه د خلکو د تیښتې د زیاتیدو سبب سویدی .د طالبانو د جاهلي ډلې د تسلط په وړاندې د دې هیواد د خلکو کرکه او نفرت د طالبانو د ځپلو په حال کې ده. وهغو ملکو ته چه په قانونی لحاظ دمهاجرت سهولتونه لری ، او لاری یی ډیری سختی دی ، نو ډېری کډوال په ځانګړې توګه افغان اتباع مجبور دي چې دغیر قانوني، او خطرناکو لارو څخه په استفاده ځانونه وباسی.
د افغانستان د ژغورنې لپاره ملي شورا په داسې حال کې چې له نړیوالې ټولنې، د سیمې او نړۍ له هېوادونو غوښتی چې زموږ د خلکو اوسنی کړکېچن حالت درک کړي او اړمنو مهاجرو ته د موقتې اقامت د قانون دتطبیق سهولت برابر کړی ، هیله ده چې دا تیاره پای ته ورسېږي. او تورې ورځې به ډیر ژر تیرې شي، د ګران افغانستان له اسمانه به د کړاوونو او تورې شپی لیرې شي او په هېواد کې به دېموکراسي او ولسواکي راشي، تر څو زموږ خلک د پرمختګ، سوکالۍ، سولې او ارامۍ په فضا کې ژوند وکړي اود هیوادڅخه په غیری قانونی اود خطره ډکو لاروځخه په استفاده مهاحرت ته احتیاج نسی.