د نېکمرغه کوچني اختر د رارسېدو په مناسبت د نړۍ ټولو مسلمانانو او په ځانګړې توګه د افغانستان مسلمان او متدین ولس ته د نېکمرغه کوچني اختر د رارسېدو له امله مبارکي وایو او د پاک خدای (ج) له دربار څخه د دعاوو د قبلېدو غوښتنه کوو. د مظلومو مسلمانانو او د سولې څخه ډک راتلونکي لپاره، سوله او اخلاص زموږ د ټولو په برخلیک حاکم کړي.
موږ د روژې بله مياشت په داسې حال کې تېره کړه، چې له بده مرغه ډېر مسلمانان په خپلو پلرنی هیوادو کې لا هم له خورا سختو او دردناکو ظلمونو او شکنجو سره مخ دي او د دين او انسانيت دښمنانو له هېڅ ډول ظلم او ستم څخه نه دي پرېښي. په داسې حال کې چې افغانستان او فلسطین لا هم د دواړو هېوادونو د مسلمانو ولسونو د نه ختمیدونکو کړاوونو شاهدان دي او دا دواړه اسلامي خاورې اوس په دردناک زخمونو بدله شوي ده.
زموږ په ګران هیواد افغانستان کې یوه جاهل او پردیپاله ډله د بین المللي او استخباراتي دسیسو پراساس حاکمه ده، چې له بده مرغه د اسلام او شریعت په نوم د افغانستان په بې دفاع خلکو باندې دهیڅ ډول ظلم څخه دریغ نه کوي. نن افغانستان په یوه عامه هدیره بدل شوی چې هلته نه قانون شته او نه انساني ارزښتونو ته د زورواکو لخوا درناوی کیږي او نه هیچا ته حقوق ورکول کیږي. له همدې امله موږ په بشپړ سرعت سره شاته روان یو او د وخت په تیریدو سره د تمدن او د انسانیت د پرمختګ له کاروان څخه نور هم لیرې کیږو. ښوونځي، پوهنتونونه او بیلابیل کاروبارونه د هیواد نیمایي نفوس لپاره بند دي. هره ورځ په هېواد کې توکمونه او مذهبونه تر بېلابېلو عنوانونو لاندې تر پښو لاندې کېږي. د افغانستان د چارواکو او پخوانیو امنیتي ځواکونو وحشیانه وژنې دوام لري. تر ټولو بده دا چې افغانستان د ټولو ترهګرو او افراطي ډلو لپاره په امن ځای بدل شوی، چې نښې یې څرګندې دي. د افغانستان اقتصادي سرچینې او کانونه لوټل کیږي. ټولې ازادې رسنۍ بندې شوې او څوک د اوسني وضعیت په اړه د خبرو کولو جرات نه کوي. اداري فساد خپل اوج ته رسېدلی او هره ورځ د افغانستان پر بې وزله او بې کوره ولس په بېلابېلو عنوانونو درانه مالیات وضع کېږي او لسګونه نور ظلمونه کېږي.
اختر د یو فرصت او مذهبي دود په توګه د خلکو لپاره د خوښۍ او د کرکې او ګمراهۍ څخه د مخنیوي اساس برابروي. د هېواد له ناخوالو سره سره، موږ هیله من یو، چې دا نېکمرغه موقع زموږ د خلکو لپاره د یو څه خوشحاله ژوند کولو فرصت وي او اوسني ناورینونه کم شي.
د افغانستان د ژغورنی لپاره دملي مقاومت شورا په داسې حال کې چې یو ځل بیا د نېکمرغه کوچني اختر د رارسېدو په مناسبت د افغانستان قدرمن ولس ته مبارکي وایي، هیله لري چې دا اختر په هېواد کې د روانو کړکېچونو د پای او د ظالمو واکمنانو اخری کال وي. طالبان به ختم شي، ولسواکي به یو ځل بیا حاکمه شي، سوله او ثبات به راشي.
هره ورځ مو اختر شه، اخترمو خوشبخته شه