د افغانستان د ژغورنې لپاره د ملي مقاومت عالي شورا، د ارواښاد ډاکټر عبدالغفور روان فرهادي، نومیالي ډیپلومات، ستر عالم او د افغانستان د فرهنګ، ادب او ډیپلوماسۍ د تلپاتې څېرو له ډلې څخه وه ، دده مړینه د هېواد او د علمي او فرهنګي ټولنې لپاره ستره ضایعه ګڼي او خپله ژوره خواخوږي او د زړه له کومې تسلیت وړاندې کوي.
ارواښاد ډاکټر روان فرهادي د افغانستان له وتلو معاصرو پوهانو او مفکرانو څخه و، چې خپل ګټور او برکتي عمر یې د علم، فرهنګ، ژبې او د دې خاورې د تمدن د ودې او لوړتیا لپاره وقف کړی و. نوموړي، د لوړو ډیپلوماتیکو دندو ترڅنګ، په ۱۹۹۳ میلادي کال کې د استاد شهید برهانالدین رباني له خوا په ملګرو ملتونو کې د افغانستان د دایمي استازي په توګه وټاکل شو او د ۱۳ کلونو لپاره یې په دې مهم مسئولیت کې د افغانستان او د هغه د خلکو استازیتوب وکړ.
همدارنګه، هغه د ژبې، ادبیاتو، تاریخ، عرفان او اسلامي تمدن په برخو کې د کلونو تدریس، څېړنې او علمي تحقیق له لارې د افغانستان او د فارسي ژبې نړۍ علمي او فرهنګي میراث ته ارزښتناک خدمتونه ترسره کړل. د حضرت مولانا جلالالدین محمد بلخي او د اسلامي فرهنګ او ادب د نورو سترو شخصیتونو د افکارو د معرفي کولو لپاره د نوموړي علمي هڅو، په نړیوالو علمي او پوهنتوني مرکزونو کې ورته د پوهانو ترمنځ ځانګړی او دروند مقام ور په برخه کړ.
ارواښاد د خپلې ژورې پوهې، متین شخصیت، بېسارې تواضع او د ملي ګټو پر وړاندې د صادقانه ژمنتیا له امله د افغانستان له ارزښتناکو فکري او فرهنګي پانګو څخه شمېرل کېده. د هغه علمي آثار او تلپاتې خدمتونه به د راتلونکو نسلونو لپاره د الهام سرچینه پاتې شي.
د افغانستان د ژغورنې لپاره د ملي مقاومت عالي شورا، دا دردوونکې ضایعه د افغانستان درانه ولس، د هېواد علمي او فرهنګي ټولنې، د ډیپلوماسۍ کورنۍ، د هغه مرحوم شاګردانو، دوستانو او مینهوالو ته، او په ځانګړي ډول ښاغلي طارق فرهادي او د فرهادي درنې کورنۍ ټولو غړو ته، د زړه له کومې تسلیت وړاندې کوي.
له لوی او مهربان الله تعالی څخه د ارواښاد لپاره د خپلې پراخې رحمت، مغفرت، د درجاتو د لوړوالي او جنت الفردوس غوښتنه کوي، او د هغه درنو پاتې کسانو ته د ښکلي صبر او ستر اجر دعا کوي.
روح دې یې ښاد وي، یاد دې یې تلپاتې وي، او علمي، فرهنګي او ملي میراث دې یې د تل لپاره ژوندی او روښانه پاتې شي.