«طالبان» ترورچیلیک گروهی زۉرآورلیک یۉللرینی قۉللش آرقه لی انسانیتگه قرشی، برچه اسلامي، اخلاقي و انسانپرورلیک معیارلریگه ضد جنایتلر صادر اېتدی، پنجشیر ولایتی نینگ یوزلب بې گناه و مظلوم اهالیسینی آتیب اۉلدیردی.
زۉرآورلیککه مراجعت قیلیش، مقصدلی قاتللیک، انساني جنایتلر ونسلی اولدیریشلر طالبان نینگ یاندشووی و مدنیتی نینگ بیر قِسمی بۉلیب، اولر بیلن فخرلنه دی.
«طالبان» ترورچیلیک گروهی حربي اسیرلرگه غیرِ انساني، غیراسلامي و اوروش قانونلریگه ضد مناسبتده بۉلیب، هېچ قنده‌ی دیني، انساني و اخلاقي تمایللرگه ایشانمیدی، بوندن تشقری، اولر هر کونی مجبوري کوچ، عاموی قاتللیک و ملتلررا ضدیتنی اوج آلدیریش بیلن شغللنه دی. ، و برچه امیدلر سۉندی.آدملر بو زمیننی امیدسیزلیککه ایلنتیریب، بیر خلق نینگ حیاتینی گروهگه آلدیلر.
طالبان حرکتی نینگ پنجشیر ولایتیده صادر اېتگن حربي جنایتلری عکس اېتگن اعلان قیلینگن ویدیو لوحه لر هر بیر انسان نینگ قلبینی تویغولری بیلن آغریتگن نسلی اولدیریش و انسانگه قرشی خطی-حرکتلر نینگ انیق نمونه سیدیر، بیراق اونگه قرشی چیقیش اۉرنیگه بو جهان نینگ اۉلیم سکونتی حکم سوره‌یاتگندېک. اولرگه هر هفته پول پاکتلری جۉنه تیله دی و اولر بیلن ناعنعنوي دیپلوماتیک معامله قیلینه دی.
مینگلب ترورچی جنگچیلرنی اۉز بغریگه آلگن، منطقه‌ده‌گی ترورچیلیک گروهلری فعالیتی اوچون روان میداننی تأمینله گن و هر کونی حربي جنایتلر صادر اېته یاتگن گروه، بونی خلق‌ارا هم جمیعت قنده‌ی قبول قیلیشی ممکن؟
تروریزمگه قرشی کوره‌ش و تروردن قوتولیش شعاری بۉلگن خلق‌ارا همجه‌ميه‌ت بو ترورچی گروهگه کۉپراق امکانیت بېرمسلیگی کېره‌ک.
افغانستاننی قوتقریش اوچون ملي قرشیلیک کۉرسه تیش کېنگشی طالبلر نینگ پنخشیر ولایتیده صادر اېتگن انساني جنایتلرینی کېسکین قاره‌لر اېکن، خلق‌ارا همجمیعتنی اوشبو گروهنی جزالشگه و طالبانگه یاردم بېریشنی تا‘خته‌تیشگه و اولرنی ترورچی گروه صفتیده تن آلیشگه چقیره دی.
ملي قرشیلیک کېنگشی اۉزینی پنجشیر ولایتی نینگ دردلی، اما مرد و جسور خلقی نینگ ماتمیگه شریک سنب، شهیدلر نینگ روحلری شاد، جایلری جنتدن بۉلیشینی تیلیدی.
و من الله توفیق