افغانستان نی قوتقریش ملی قرشی لیک کینگاشی ایسه، بیرلشگن ملتلر تشکیلاتی ، 2023۔ ییل نینگ 29۔آیی ده صادر بولگن 2721۔سانلی قطعنامه سی گه کوره، اوشبو بیرلشگن ملت لر تشکیلاتی نینگ بویوک هماهنگ لشتیرووچیسی تکلیفی اساسیده، افغانستان حقیده موضوع لر تصویب بولیب، اوشبو افغانستان اولکه سی جهان خلق ارا اعتبار مرکزی دقتی گه آلینگی اوچون منتدارچیلیک بیلدیره دی.
افغانستان چوقور انسانی بحرانلر، انسان حق لری، اقتصادی و سیاسی بحرانده یشه ماقده، سیاسی قانونی لیک نی یوق لیگی، حکومت نینگ یاپیلیشی، قشاقلیک نینگ ترقه لیشی، آزادلیکدن محروم بولیش، ایش سیزلیک و آچلیک چوقور انسانیت فاجعه سی گه آلیب کیلگن، عیاللرنینگ جمعیتدن بوتونله ی چیتله نیشی، قماقخانه لر، ینچیش لر، ملکی بولیملرده گی کیشی لرنی هدفمندانه اولدیریشی جمله دن مدنی فعال عیاللری، ییتکرمه لرگه رخصت بیرمس لیکلری، ژورنالیست لر، مدنی فعاللر و خلق اوچون قیسووچی محیط یره تیش، تیرورستیک گروه لرنی قوللب۔قوتلش و کوچلنتیریش، اینگ مهمی ایسه، افرادگرلیکنی کوچه یتیریش و افغانستان نی خلق ارا تیرورچیلراوچون خوفسیز پاش پناه، منطقه وی و جهانی خوفسیزلیککه کوچ تهدیدی گه ایلنتیریش دیر. همده افغانستان نینگ خلق ارا همجمعیت دن اجره لیب قالیش گه آلیب کیلیش، عینن طالبان نینگ ناقونی نظارتی آستیده دوام ایته یاتگن اینگ مهم مساله لردن بیری بو ملی مقاومت کینگاشی ذکر ایتگن هر بیر حالتده دایمی روشدن اوز خواطرینی بیلدیریش و عاقبت لریدن دقت بیلن آگاه لنتیریش دیر.
بیرلشگن ملت لر تشکیلاتی نینگ صلاحیتلی مخبری حرمتلی ریجارد بنت تامانیدن انسان حق لری نینگ بوزیلیشی بوییچه حجت لشتیریلگن حسابات لرنی تیارلش و سعی۔ حرکتلری، مصلحت لشووی لری و حسابات لری اوچون منتدارچیلیک قیلیش بیلن افغانستان نینگ حقیقی واقعه لری توغریسیده اوشبو تشکیلات نینگ افغانستان مساله لری اوچون اوشبو بویوک هماهنگ لشتیرووچی تامانیدن بیرلشگن ملت لر تشکیلاتی خوفسیزلیک کینگاشی نینگ سونگگی پیتده قبول قیلینگن اعلامیه سی بوییچه افغانستان ملی مقاومت کینگاشی نینگ موقعی قوییده گیچه اعلان قیلینه دی:
بیرینچی: افغانستان نی قوتقریش ملی مقاومت کینگاشی حرمتلی فریدون سینرلی اوغلو نینگ جسارتلی سعی۔ حرکت لرینی، خلق ارا همجمعیت نینگ افغانستان ده گی وضعیتنی اوزگرتیریشگه قره تیلگن قطعنامه سی و اوشو اعلامیه سی عمل گه آشیریش اوچون وقت جدولینی بیلگی لب بیرگنینی یوقاری بهالب، اوشبو مکتوب ده بیان ایتیلگن اساسی مقصدلرو اونینگ عاقبت لری هم افغانستان خلقی منفعت لری گه، خلق اراده سیدن کیلیب چیقه دیگن کینگ قمراولی حقوقی تیزیمنی شکللنتیریشگه، عدالتلی تینچ لیکنی تامینلش گه قره تیلگن بولیشگه امید قیلیب، عدالت و دایمی برقرارلیکنی عمل گه آشیریش نی ایسته یدی.
ایککینچی: افغانستان بوییچه مخصوص وکیل تعینلش و اعلامیه ده کوریب چیقیشی کیره ک بولگن مساله لردن بیری بولیب، ملی مقاومت کینگاشی اوزی نینگ سیاسی ریجه سیده طلب قیلگن و افغانستان بحرانی نینگ ییچیمی کینگ قمراولی سیاسی میکانیزنی ایسته یدی دیگن ایشانچگه اساسلنه دی. شو اوچون بیرلشگن ملت لرتشکیلاتی نینگ باشقرووی و یاردمی بیلن باشقه تامان لرنینگ بیرخیل فکرده گی و فعال اشتراکی، بو تشکیلاتدن افغانستان بوییچه مخصوص وکیل تعینلش گه کوپراق اعتبار بیریشنی سوره یدی، اوشبو تنلگن کیشی ایسه، افغانستان احوالی، حاضرگی بحرانی بیلن تنیش بولیشی، بحران نینگ ایلدیزلری و وضعیت گه تاثیر ایتووچی عامللر بیلن تنیش بولیشی و حالتلرگه تولیق بیطرف لیک بیلن عمل قیلیشی اوته مهم.
اوچینچی: افغانستان قوتقریش ملی مقاومت کینگاشی اوشبو اعلامیه نینگ اساسی مقصدلریگه ایریشیش، بیرلشگن ملت لر تشکیلاتی خوفسیزلیک کینگاشی نینگ دایمی اعضالری اورته سیده ینه ده ثمره لی موافق لشتیریش و اوزارا همکارلیکنی یولگه قوییش نی مهم دیب بیله دی.
تورتینچی: افغانستان نینگ خلق ارا همجمعیت دن اجره لیب قالیشی ، حکمران گروه لرنینگ غیری انسانی خط۔ حرکت لری و انسان حق لری معیارلریگه قرشی بولگن زمینه سی نینگ قوپال قیافه سینی دنیا گه کورستدی.شو باعث افغانستان قانون دایره سیده افغانستان خلقی نینگ ایستک۔ اراده سیدن کیلیب چیقه دیگن کینگ قمراو لی حکومت موجود بولگن ده جهان همجمعیتی گه قوشیلیشی و ملی مقاومت کینگاشی نینگ هر قنده ی قوشیلگن سیاسی جریاننی تامینلش گه آلیب کیلشی ممکن، همده عدالتلی تینچلیک نی، دموکراسینی ایسه خلق اراده سی گه اساسلنگن تیزیم نی یره تیش شرافتی بیلن عمل گه آشیریشنی حمایه قیله دی.
بیشینچی: انسان حق لری، اینیقسه قیزلرحق لری و اولرنینگ تعلیم دن محروم ایتیلیشی، ایش و نهایت اولرنی جمعیت دن بوتونله ی آلیب تشلش و جنسی آپارتاید عملیاتی، سابق خوفسیزلیک کوچلرینی ، فقرالیک فعالیتلرینی ، عامللرنی قماققه تشلش، باستیریش و اولدیریش، شیعه و اسماعیلی مذهب لری طرافدارلرینی یوق قیلیش طالبان گروهی نینگ برچه معیارلری گه قرشی قیلگن وحشی لیگی دیر. عینن انسان حق لری اوشبو کینگاش نینگ خریطه سی صفتیده مملکت نی بحران دن قوتقریش ریجه سیده قید ایتیلگنی دیک، اوزگرتیریشنی تقاضا ایته دی، خوشبختانه اوشبو موضوع لر ایسه، بیرلشگن ملتلر تشکیلاتی اعلامیه سیده کوره سه تیلگن.
آلتینچی: افغانستان ده حکم سوره یاتگن انسانی بحران لر خلق ارا همجمعیت نینگ شاشیلینچ اعتبارینی طلب قیله دی و ملی مقاومت کینگاشی ایسه محتاج لر گه یاردم اعتبارینی قره تیش لری ایستش بیلن بو یاردم لر نظارت آستی گه آلینیشی نی سوره یدی ، چونکه نظارت گه آلینمه گنده، محتاج انسان لرگه ییتیشمه ی، طالبان گروهی آرقه لی حیف۔ میل بولیشی حتمی دیر.