چهارشبنه کونی، قوس آیی نینگ 29۔ کونی ایسه، بیرلشگن ملت لر تشکیلاتی خوفسیزلیک کینگاشی نینگ افغانستان حقیده گی ییغیلیشی بولیب اوتدی و خق ارا همجمعیتی افغانستان نینگ جابرانه حکمرانلیگی آستیده گی حدودده تیرورستیک گروه لر موجود لیگی سببلی خوفسیزلیککه تهدیدلر موجودلیگی نی ینه بیر بار بیر سیس و آواز بیلن تن آلدیلر. همده، طالبان حرکتی، انسان حق لری نینگ کینگ مقیاسده بوزیلیشی، اینیقسه افغانستان عیاللری نینگ یوق قیلینیشی، آلدینگی حکومت خوفسیز لیک کوچ لری نینگ قییناق لر و اولدیریشی، افغانستان ده گی انسانی بحران لر و کینگ قشاقلیک اوز خواطرینی بیلدیردی. افسوس که، بوندن تشقری، بیر قطار اشتراکچیلر بو باره ده انیق و شفاف میکانیزم تقدیم ایتمسدن توریب، طالب لر گروهی بیلن اوز ارا همکارلیک نی ینه بیر بار تاکید له دیلر.
افغانستان نی قوتقریش ملی قرشی لیک کینگاشی بیرلشگن ملت لر تشکیلاتی نینگ افغانستان گه علیحده اعتبارینی و اوشبو تشکیلات نینگ دایمی سعی۔ حرکت لرینی آلقیشله یدی و قدرله یدی و اوشبو کینگاش باشیده بیرلشگن ملتلر تشکیلاتی گه اساسلنگن خلق ارا همجمعیتی افغانستان نی قوتقریشی گه ایشانگن لیگینی تاکیدله یدی. افغانستان خلقی نی بحراندن، حاضرگی و عذاب ۔ عقوبتلردن قوتقریش اوچون “طالب لر” گروهی بیرلشگن ملت تشکیلاتی نظامنامه سی باشقه خلق ارا قانونلرده اورین آلگن قدریت لری نینگ هیچ بیریگه ایشانمس لیگی و فقط اوزی نینگ ناقانونی باشقرووینی دوام ایتتیریش حقیده اویله یاتگنی همه گه معلوم. همده منطقه ده گی سونگگی واقعه لر و ایریم قوشنی دولت لرده صادربوله یاتگن ترور ریجه لری، ترورستیک حرکتی گه ایگه بولگن گروه گه ایشانیش نتیجه سی دیر. شو باعث منطقه و جهان دولت لریدن خصوصن، بیرلشگن ملت لر تشکیلاتی دن افغانستان خلقینی موجود وضعیتدن قوتقریش اوچون جدی راق قدم لر تشلشنی ینه بیر بار سوره یمیز.
بیزنینگ فکریمیزچه، افغانستان خلقینی قوتقریش نینگ بیرینچی یولی طالب لرنی خلق حق لری و انسانی قدریت لرنی و خلق ارا کنوانسیون لر طلب لری گه رعایه قیلیش گه، خلق اراده سی گه اساسلنگن، حقوقی حکومتنی شکللنتیریش گه مجبور قیلیش دیر. عینن، عیاللرگه نسبتن حاضرگی ناقانونی حکمرانلیک شرایطیده کمسیتیش و ظلم نینگ برچه شکللری نی اورته دن ایلتیش، قوم لر، مذهب لر، مدنی فعاللر و ییتکرمه لرنی اوشبو حالتدن قوتقریب روباب گه چیقریش دیر.
بیرلشگن ملت تشکیلاتی تاکیدلشی گه کوره، افغانستان ده گی میلیونلب آدملر تیزلیک بیلن انسان پرورلیک و آزیق۔ آوقات یاردمی گه محتاج بار. بو احتیاج، اینیقسه قیش فصلی بولگنی اوچون و هر قچانگیدن هم کوپراق سیزیلماقده. افسوس که، طالب لرگروهی، بو احتیاجنی قانیقدیریشگه نه قابلیتی بار، نه هم اراده سی بار. شو باعث، بیرلشگن ملت لر تشکیلاتی و اونگه علاقه دار تشکیلات لردن افغانستان خلقی گه یاردم بیریش، انسانی یاردم لرنی کوپه یتیریش بیلن بیرگه طالب لرگروهی اعضالری بو یاردم نی اوتمیش ده بولگنی دیک حیف۔ میل قیله آلمس لیگی اوچون نظارت آستی گه آلیب، میکانیزم یره تیش بیلن اوشبو یاردملر قشاق لر گه ییتکزیلیشی نی ایسته یمیز. نهایتده، طالب لرگروهی و اونینگ انسان گه قرشی سیاستی آلدینی آلیشی اوچون، افغانستان ملی قرشی لیک کینگاشی ایسه، بیرلشگن ملت لر تشکیلاتی دن، منه شو افراد گرلیک ترقه لیشی نینگ آلدینی آلیش و افغانستان نی قوتقریش اوچون افغانستان انقراضی نینگ سیاسی ییچیم جریانینی امکان قدر تیزراق باشلش و باشقریش نی ایسته یدی.