افغانستاننی قوتقریش ملی مقاومت کینگاشی ایسه، بیرلشگن ملت لر تشکیلاتی انسان حق لری بوییچه مخصوص حساباتچی سی حرمتلی ریچارت بنت نینگ افغانستانده گی انسان حق لری نینگ ایه نچلی احوالی حقیده به تفصیل حسابات تیارلشده گی سعی۔ حرکت لری و ایشانچلیگی اوچون منتداردیر. شو اوچون، ریچارت بنت، بیرلشگن ملت لر تشکیلاتی انسان حق لری کینگاشی نینگ 55۔باش ییغینی ده افغانستان بوییچه دوره وی حساباتینی تقدیم ایتدی، و بو ریچارت بنت نینگ اوز ی، اوز ییغینی باشیده ایتگن معروضه سی «افغانستان عیاللری، ایرککلری و باله لری سیسینی کوچه یتیریش طرفداری » افغانستانده انسان حق لری نینگ کینگ مقیاسده گی بوزیلیشی، جمله دن اساسی حق لر بوزیلیشی نینگ اچچیق حقیقتینی عکس ایتتیره دی. همده سیاسی، اجتماعی، اقتصادی و مدنی حق لر و فقرا، اینیقسه عیاللر، باله لر، تورلی قوم و مذهب لرنینگ حق لری، طالب لر گروهی قورقمس دن خلق نینگ انسان حق لرینی بوزیش، حبس گه آلیش، قییناق لر و اوز باشیمچه لیک بیلن اولدیریش، خاتین۔قیزلرنینگ سیسی نی اوچیریش، ییتکرمه لرنی سانسور قیلیش، جمهوریت توزومی رسمی لری و حقوق حمایه چیلریدن اوچ آلیشده دوام ایتماقده. عینن، طالب لر گروهی خلق ارا قانون لر و افغانستان نینگ خلق ارا حقیقت لر بوییچه مجبوریت لریگه قرشی روشده اولرگه قرشی مخالفت سیسینی بوغماقده. خلق ارا بخششلش تشکیلاتی هم تاکیدله گنیدیک، عینن، افغانستان خلقی طالب لرنینگ سو‌ء استعماللری و بشردوستانه فاجعه لری اورته سیده قالیب کیتگن و بو حالت بوتون مملکت اهالیسی نینگ روحیتی گه جدی ضرر ییتکزگن. منه شو ریچارت بنت نینگ حساباتی ایشانچلی و اعتبارلی منبع لردن سینچکاولیک بیلن تیارلنگن و او بوتون حسابات دوامیده به تفصیل تحلیل قیلگن، اوندن خاتین۔قیزلر اورته سیده اوز جانی گه قصد قیلیش حالت لری کوپه ییب باره یاتگنی، افسوس که افغانستان ده عادتی حال گه ایلنگنی حقیده گی خواطرلر موجود. شو بیلن بیرگه بو گروه نینگ انسان حق لری گه عاید جنایت لرنینگ هلی هم قارانغو بورچک لری بار. اولر بوغووچی محیط نینگ آغیرلیگی طفیلی اولرگه کیریش قیین، بوندن فقط بیزنینگ خلقیمیز جبر کورماقده.
معلومات لرگه کوره، طالب لر اوز حرکت لری بیلن سونگگی ییگیرمه ییل ایچیده جندر تینگ لیگی یولیده ایریشیلگن یوتوق لرنی برباد قیلگن، افغانستان خلقی نینگ علم آلیش ایسته گیده بولگن اولادی نینگ آرزو۔امید لری بابود بولدی. و بیرلشگن ملت لر تشکیلاتی نینگ انسان حق لری بوییچه مخصوص وکیلی نینگ حساباتی ده ایتیلیشیچه، افغانستان خلق لری نینگ ییگیرمه بیش میلیونی انسان پرورلیک یاردمی گه محتاج دیر. بو ایسه اوز۔ اوزیدن فاجعه دیر. باشقه تاماندن بیرلشگن ملت لرتشکیلاتی نینگ انسان حق لری بوییچه مخصوص وکیلی نینگ افغانستان ده بولیشی گه توسقینلیک قیلیش، بو افراطی گروه لرنینگ قیلیب کیله یاتگن فاجعه لی ایش لری، وحشتلی عمللرینی دنیا گه کورسه تیب تورگن.
افغانستان نی قوتقریش ملی مقاومت کینگاشی انسان حق لری بوییچه مخصوص وکیلی نینگ خیرلی و مناسب حرکت لرینی یوقاری بهاله گن حالده، بیرلشگن ملت لرتشکیلاتی وکیللری و ایشانچلی خلق ارا منبع لر تقدیم ایتگن حسابات لرگه اساسله نیب، طالب لر اصلاح قیلینیشی ممکن بولگن گروه ایکن لیگی نی تاکیدله یدی. خلق ارا توزولیش لر و طلب لر همده افغانستان نینگ اجتماعی وضعیتی بیلن اوز ارا مناسبت ده بولیشی ممکن و بو وضعیتدن چیقیش یولی موفقیت سیز دوحه لایحه سی نی لغو قیلیش و شو بیلن بیرگه برچه ملی، محلی و محیطده گی قدریت لرنی حرمت قیله دیگن ینگی کینگ قمراو لی جریاننی باشلش آرقه لی موجود وضعیت نی اوزگرتیریشدیر. بیرلشگن ملت لر تشکیلاتی نینگ یاردمی و باشقرووی بیلن افغانستان نینگ مذهب لری و ایل۔ قوم لری ترکیبی قسم لری، بو ایسه قانون گه اساسلنگن و خلق اراده سیدن کیلیب چیقه دیگن دیموکراتیک حکومت شکلله نیشی گه آلیب کیله دی. عکس حالده، بو حالت نینگ دوام ایتیشی نه فقط انسان حق لری بوزیلیشی نینگ کوپه ییشی گه آلیب کیله دی بو ایسه، افراط گرلیک و تیروریزم نینگ کوچه ییشی گه، منطقوی و جهانی خوفسیزلیککه تهدید نینگ کوچه ییشی گه آلیب باره دی.