منطقوی و جهانی کوچ لر بیلن یشرین و نا معلوم کیلیشوو نتیچه سیده طالب لر گروهی گه حاکمیت تاپشیریلدی و مملکت نینگ اجتماعی، سیاسی، اقتصادی و خوفسیزلیک توزیلیشی ینه هم ضعیفلشدی. طالب لر گروهی افغانستان خلقی نینگ جمعی و اجتماعی قدریت لری و ارزش لرینی پایمال ایتیب، وقت اوتیشی بیلن مملکت اهالیسی گه، اینیقسه عیاللر و قیزلرگه نسبتن کوپراق چیکلاولر قوییب، اولرنی تعلیم، ایش و جمعی جای لریده بولیش کبی اساسی حق لریدن محروم قیلدی همده عیاللر ایسه اجتماعی جای لرجمعیتی دن چیتلشتیریلدی و اولر جنسی آپارتاید قوللندی، بو طالبلر گروهی اوزلری نینگ سونگگی بی معنا حرکت لریده اساسی حقوق و اجتماعی عنعنه لرگه قرشی روشده اوزباشیمچه لیک بیلن عیاللرنی حبس گه آلیب، کون اوتیشی بیلن نا انسانی حرکت لرگه قول اوریب کیلماقده لر.
افغانستاننی قوتقریش ملی مقاومت کینگاشی طالب لرنینگ بو چیرکنچ و یامان حرکت لرینی افغانستان خلقی نینگ قدریت لری و عرف۔ عادت لری، اسلام مدنیتی، خلق ارا معیارلر و انسان حق لری ساحه سیده گی قدریت لر و ارزش لریگه قرشی دیب حسابله یدی و هر قنده ی جنایتکارانه حرکت لرینی قتیق رد اییتیب، مملکت عیاللر و قیزلری حق لرینی کم سیتیش دیب تاکید له یدی.
افغانستان عیاللری جمعیت نینگ شجاع، دلیر، محنتکش و عینی پیتده مبارز قتلمی دیر. اوشبو عیاللر ایسه تاریخ دوامیده چیکلاولر و تهدیدلرگه قرشی قهرمانلرچه کوره شگن، حقیقتن چیکسیز فدایی لیک کورستگن، شو اوچون افغانسان عیاللری نینگ ایرکین، ایلغار و یوکسک جمعیت نی رواجلنتیرش یولیده گی سعی ۔ حرکت لری تحسن گه سزاوار. همده افغانستان عیاللری مملکت تاریخی نینگ غرورلی قهرمان لری بولیب، اولرنینگ نام لری تاریخ نینگ آلتین صحیفه لریگه کیریتیلگن. منه شو اوچون افغانستان نی قوتقریش ملی مقاومت کینگاشی افغانستانده گی عیاللرحق لرینی حیاتی و مهم مساله دیب حسابله یدی و مملکتده گی عیاللرو قیزلرنینگ حق لرینی عمل گه آشیریش و کیله جگینی تضمین لش سعی۔ حرکت لرنینگ مهم و اساسی بولیمی صفتیده قره یدی و شو بیلن بیرگه، بیرلشگن ملت لرتشکیلاتی نینگ اوشبو کینگاشی و خلق ارا همجمعیتی طالب لرنینگ غیرانسانی و انسان حق لری معیارلری گه قرشی بولگن بو قسم نینگ اوشبو گروه نینگ باشقه تخطی لری، انسان حق لری بوزیلیشی و جنایت لری بیلن بیرگه اولرنینگ انسان حقلری گه رعایه قیلمه گن لری باعث، بولرنینگ نام لرینی قاره لیست گه کیریتیلیشی نی ایسته یدی.