یره تگن الله تعالی نامی بیلن
ایککی دوست و ایناغه قوشنی مملکت لریمیز، ایران و پاکستان ده نزاع لر یوز بیریب، اوروش لر بولگنی اوچون، افغانستاننی قوتقریش ملی مقاومت کینگاشی جوده متاثر لر.
اوشبو نزاع لر کوچه‌ییب، نظامی کوچ لردن فایده له‌نیش هیچ بیر تامان اوچون هم ثمره لی ایمس، بلکه، اوشبو اوروش لر و نزاع لر ایسه، منطقه ده‌گی مملکت لرنی خواطرگه سالیب، خوفسیزلیک نی بوزیش گه سبب بولیشی ممکن. چونکه، افغانستان خلقی برچه مملکت لر خلقی لری دن کوره، اوروش و نزاع لرگه گوپراق دوچ کیلیب، مزه سینی باشقه لردن کوره یخشی راق تاتگن لری سبیلی وضعیت نی جوده یخشی توشونه دیلر.
منه شو اوچون، افغانستان نی قوتقریش ملی مقاومت کینگاشی ایککی قوشنی مملکت لری نینگ دینی، فرهنگی و اجتماعی نقطه ی نظردن بیر-بیراو لری گه یقین بولگن لیک لری باعث، بیرلیک- بیردملیک، برادرلیک و دوست لیک لرنی کوز گه توتیب، کیلیشولری گه چارلب، اوشبو قرمه-قرشی لر، منطقه برقرارلیگینی بوزمه ی، اینیقسه ایککی اولکه نینگ خلقی گه هیچ قنده ی تهدید لر یوز بیرمه ی موضوع لر ییچیلینیشی نی ایسته یدی. عین حالده، ایککی قوشنی مملکت لریمیز، ایران و پاکستان ایسه ، افغانستان ده طالب لر گروهی حاکم بولگن دن سونگ، عملی طرزده تروریزیم تهدیدلریگه قرار تاپگن. شو اوچون اوشبو بحرانی شرایطده، منه بونده‌ی نزاع لر و اوروش لرنینگ اورنی ده، بیرگه لیکده تروریزیم بیلن کوره شیش لرینی ضرور دیب بیله دی.