افغانستاننی قوتقریش ملی مقاومت کینگاشی ایسه بوگوندن مقدم 35ییل آلدین، دلو آیی نینگ 26۔ کونی گه تینگ دنیا نینگ اینگ قدرتلی و کوچلی قوشینی، سابق ساویت اتفاقی قوشین لری افغانسان دن چیقریلگنینی، مملکت نینگ غیرتلی و مجاهد سیور خلقی گه قوتلوغلب، اولکه آزادلیگی و مستقللیگی یولیده شهید بولگن برچه شهیدلر، اینیقسه وطن دیب قیزیل قانینی توگیب شهادت تاپگن لرنینگ یاد و خاطره لرینی اولوغله یدی.
افغانستان اوزی نینگ استراتیژیک جایلشووی بیلن منطقه کوچ لر منفعت لری چهاراهی سیده جایلشگن بولیب، تاریخ دوامیده همیشه تشقی دولت لرنینگ اره لشوولریده قتنه شیب کیلگن، اما غیرتلی افغانستان خلقی اوز دَینینی مردلیک و جسارت، فدایی لیک و قهرمانلیک بیلن بجریب کیلگن. فدایی لیک، ایمان و متانت بیلن قیینچلیک لردن اوتیب، غلبه لرگه ایریشگندیلر. افغانستان مجاهدلری نینگ غلبه سی و سابق ساویت اتفاقی قوشین لری نینگ مملکتدن آلیب چیقیشی ایسه، قرانغولیک بولیمی نینگ سونگگی و مملکت تاریخی ده گی ینگی صحیفه نینگ باشله نیشی ایدی، افسوس که، وضعیت شونده ی بولیب، ایچکی اوروش لر و نزاع لر بولیشی باعث، مملکت ده طالب لر کبی تیرورستیک و افراطی گروه لرنینگ کوچه ییشی گه سبب بولدی.
بو ییل هم افغانستان اوشبو تاریخی کوننی نشانله ماقده، چونکه، مملکت قریب اوچ ییل دن بویان تیرورستیک یانداشووگه ایگه و افراطی گروه حکمرانلیگی آستیده دیر. همده انسان نینگ اساسی حقوق لری فاجعه لی طرزده پایمال قیلینیب، قییناق لر، شدتلی لرظلم لر و کیتمه۔کیت اولدیریش لیک لرتینمه ی مملکتده دوام تارتماقده، جندر، ایتنیک و مذهب لرگه قرشی سیاست ایسه کینگ مقیاسده اولکه ده اورین آلگن.
منه شو اوچون، افغانستاننی قوتقریش ملی مقاومت کینگاشی مملکت نی قوتقریش گه امید قیلیب بو یولده همیشه اولکه شانی و آبرو- اعتباری قیتیب کیله دیگن کونگه گواه بولیش اوچون، بو یویوک و تاریخی کوننی دوام ایتتیریش گه حرکت قیله دی. همده، مملکت ده تینچ لیک، آسایشته لیک، خوفسیزلیک، عدالت و دموکراتیک حکومت اورته گه کیلیشینی تینگری دن ایسته یدی.