بوندن بیر یوز و اوچ ییل مقدم، 1921۔ ییل، مارچ آیی نینگ بیرینچی کونی افغانستان و تورکیه اورته سیده بیرینچی همکارلیک و اتحادلیک شرطنامه سی ایککی دولت نینگ ایلغار رهبرلری تامانیدن امضالنگن بولیب، اوشندن بیری ایککی دولت اورته سیده گی مناسبت لر یخشی و اساسلی بولیب کیلماقده. برچه سی ایسه تورلی ساحه لرده گی ایجابی و سازنده همکارلیک توغریسیده بولگن. بو ایککی دولت اورته سیده ، اداری، دیپلوماتیک، نظامی، اقتصادی، ساغلیکنی سقلش و فرهنگی ساحه لرده همکارلیک یولگه قوییلگن. منه شو اساسده افغانستان حکومتی و خلقی تورکیه خلقی نینگ آزادلیککه ایریشیش اوچون اوروشگنده، تورک ایناغه لری نینگ یانیده بولیب، اولرنی قوللب۔قوتله دی، همده افغانستان تورکیه بویوک ملی مجلسینی بیرینچی لریدن بولیب تن آلگن و خلق ارا میدان لرده تورکیه نینگ دوست و قرداش دولتی گه هر دایم مددکار و یاردمچی بولیب کیلگن، دوست و قرداش تورکیه اوتکن ییللرده افغانستانی مدرن لشتیریش و ترقیات ساحه سیده قوللب۔ قوتله گن و افغانستان نینگ یاش اولادی اوچون تعلیم ساحه سیده جوده ماس و یخشی ورینت بولیب کیلگن. بو همکارلیکلر اینیقسه افغانستان ده جمهوریت توزومی نینگ ییگیرمه ییللیک فعالیتی دوامیده تاثیرچن و ثمره لی بولدی.
افغانستان قوتقریش ملی مقاومت کینگاشی ایککی دولت اورته سیده گی دوستلیک و دیپلوماتیک مناسبت لر اورنه تیلگنی نینگ 103 ییللیگی نی نشانلر ایکن، تورکیه حکومتی و خلقی نینگ افغانستان گه کورسته یاتگن دایمی قوللب۔ قوتله شینی یوکسک قدرله یدی و حرمت قیله دی، شونینگدیک دوست و قرداش تورکیه ایسه، مملکتیمیزده گی سونگگی اوزگریش لرو انقراض لر نینگ چوقورله شیب باره یاتگنی نی انابت گه آلیب، تورلی دیپلوماتیک کانال لر و موجود امکانیت لر آرقه لی سعی۔ حرکت لرینی ایککی برابر آشیریشی گه همده افغانستان خلقی بیلن همکارلیک قیلیشی گه امید بیلدیره دی.
شبهه سیز، تورکیه منطقه ده گی و اسلام عالمی نینگ ییریک دولت لریدن بیری صفتیده حاضرگی جریانده هم سیاسی نقطه ی نظردن هم افغانستان مهاجرلرینی قوللب۔ قوتلشده مهم رول اوینه شی و افغانستان یاش لری نینگ تعلیم آلیشی گه کوپراق یاردم بیریشی ممکن. شو باعث، ینه بیر بار اوتگن یاردم لرینی قدرله گن حالده، دوستیمیز و قدرداشیمیز تورکیه دن حاضرگی آغیر وضعیتده افغانستان مهاجرلرینی بو مملکتدن چیقریب یوباریش جریانی نینگ آلدینی آلیشینی سوره یمیز. بیز هم خلقیمیز قانونی ، اسلامی و خلق ارا قدریت لرگه صادق حکومت گه ایریشیشده یاردم بیریشینی کوته میز.