حوت آیی نینگ ۱۸- کونی، سابق جمهورلیک ریاستی نینگ بیرینچی اورین باسری و جهاد و مقاومت نینگ نفوذلی سردمدار لریدن بیری، مارشال محمد قسیم فهیم وفاتی نینگ ۱۰- ییللیگی گه توغری کیله دی. شو مناسبت بیلن ملی مقاومت کینگاشی اوشه مشهور مجاهد و مملکت نینگ قدرتلی سیاستچی سی خاطره سینی حرمت بیلن ایسله یدی.
او، یاشلیگیدن کابلده گی عرب داراالعلوم ناملی مدرسه ده متحصیل آلیش باسقیچیده ناق، جهاد و خلق نینگ مملکت آزادلیگی و مستقللیگی اوچون کوره شیگه قوشیلگن و مملکت آزادلیگی اوچون کوره شگن، اینیقسه، جهاد و مقاومت جبهه لرینی هوشیارلیک بیلن باشقرگنینی تحسین بیلن ایسلشگه سزاوار دیر. اوشبو کیشی افغانستان اسلام دولتی دوریده اسلام حکومتی نینگ خوفسیزلیک وزیری صفتیده خدمت قیلگن، مقاومت دن سونگ، افغانستان اسلامی جمهورلیک حکومتی ایجاد بولگن دن کیین مملکت نینگ اقتدارلی سیاستچی سی صفتیده اورین گه ایگه بولیب، تورلی مهم ایشلرنی باشقرگن.
رحمتلی مارشال ایسه، مملکت یشاوچی لری نینگ بیرلیک و بیردملیککه ایریشتیریش اوچون صادق و تعهدلی بولیب، مملکت بیرلیک و بیردم لیک و عدالت بارلیگیده ترقیات گه ایگه بولیشی، مملکت کیله جک فرزند لری خاطرجمع لیکده اونیب-اوسیشی گه ایشانچی کامل ایدی. همده، مملکت افراطگرلیک، انحصارطلب لیک و ایشانچ سیزلیک ، ملی بیردملیک و عدالت نیگیزلرنی قوریتیش، مملکت نینگ ایچکی و تشقی انقراض لرگه دوچ کیلتیریب، اوزاق مدتلی ضررلرگه یوز بیریشی معلوم دیر دیب، عین حالده، اوشبو انقراض وضعیت دن افغانستان دشمن لری و هرقنده ی افراطچی لر فایده لنشی گه ایشانچی بار بولگن کیشی.
همده، رحمتلی مارشال ایسه، شوروی لر اشغال قیلگن دوریده گی اوریش لردن قالگن ویرانلیک لرنی قیته قوردیریش، ایش سیزلیک و قشاقلیک نی اورته دن ایلتیش اوچون صناعتی ایشلرنی قیلیب، مملکت نینگ اقتصادی نی کوچلنتیریش اوچون بیرلیک و بیردم لیک نی اسره ب، ظلم و قساوت، افراطگرلیک و ترورزیم سایه سیدن اوزاققه قالیشگه ضرورتی بارلیککه ایشانگن، مملکت سیاسی کیشی لری اوشبو موضوعلرگه جدی اعتبار قره تیب، وطن قیته قوریلیشی، و خوفسیزلیگی دایمی تامینلشی، مسلکی اردو تربیه لنیب، اولکه دن مستقل حمایه قیلیش گه قادربولیشی گه تاکیدایتر ایدی.
افغانستاننی قوتقریش ملی مقاومت کینگاشی ایسه، رحمتلی مارشال محمد قسیم فهیم نینگ ۱۰ ییللیک وفاتی مناسبتی گه حرمت قیلیشی بیلن، اوشبو سیاسی شخصیت، اسلامی دولت دوریده گی ناملی مجاهد، افغانستان اسلامی جمهور لیگی نینگ سابق بیرینچی اورین باسری نینگ قیلیب اوتگن ایش لرینی قدرلب، اوشبو سیاسی شخصیت لرنینگ یوللرینی دوام بیریب، مملکت قیته ایرکین لیککه ایگه بولیب، افراطیت کوتریلیب، قانون و حاکمیت مملکت ده برقرار بولیشی گه تاکیدله یدی.